ଆଜିକାଲି ସମୟରେ ଏଟିଏମ୍ର ବହୁଳ ବ୍ୟବହାର କରାଯାଉଛି। ଆବଶ୍ୟକ ସମୟରେ ଦେଶର ଯେକୌଣସି ସ୍ଥାନରେ ରହିଥିଲେ ହେଁ ସହଜରେ ଟଙ୍କା ଉଠାଇ ହେଉଛି। ହେଲେ ଏଟିଏମ୍ରୁ ଟଙ୍କା ଉଠାଣ ଜଣେ ଯୁବକଙ୍କ ପାଇଁ ମୁଣ୍ଡବିନ୍ଧାର କାରଣ ପାଲଟିଛି। ଏହାର ଏକ ଭିଡିଓ ଏବେ ଭାଇରାଲ ହେଉଛି।
କଥାଟି ଏପରି। ଯୁବକଜଣଙ୍କ ଏଟିଏମ୍ରୁ ଟଙ୍କା ଉଠାଇବା ଲାଗି ସମସ୍ତ ପ୍ରକ୍ରିୟା ପୂରଣ କରିଥିଲେ। ପରେ ଟଙ୍କା ମଧ୍ୟ ଆସିଛି। ହେଲେ ସେ ପୁରା ଟଙ୍କା ବାହାର କରିବା ପରିବର୍ତ୍ତେ ଗୋଟିଏ ଗୋଟିଏ ନୋଟ୍କୁ ବାହାର କରିଥିଲେ। ଫଳରେ ଆଉ କ’ଣ ହୋଇଥାନ୍ତା। ଦୁଇ ଚାରିଟି ନୋଟ୍କୁ ଛାଡ଼ିଦେଲେ ବାକି ଟଙ୍କା ମେଶିନ ମଧ୍ୟକୁ ପୁନର୍ବାର ଚାଲିଯାଇଛି। ଏହାକୁ ଦେଖି ସେ ଚମକି ପଡ଼ୁଛନ୍ତି। ଆଇପିଏସ୍ ଅଫିସର ଅରୁଣ ବୋଥ୍ରା ମଧ୍ୟ ଭିଡିଓଟିକୁ ଟୁଇଟର ପୃଷ୍ଠାରେ ଶେୟାର କରିଛନ୍ତି। ଯଦି କିଏ ଆପଣଙ୍କ କାମ ଠିକ୍ରେ କରୁଛି, ତେବେ ତାର ମଜା ଉଡାଇବା ଠିକ୍ ନୁହେଁ ବୋଲି ଅଫିସର ଲେଖିଛନ୍ତି।
जो कोई आपका काम ठीक से कर रहा हो उसके मजे नहीं लेने चाहिये. @BombMarDunga pic.twitter.com/vW8BuX2K8v
— Arun Bothra (@arunbothra) August 11, 2020