ଭୁବନେଶ୍ୱର,୧୯।୪ (ବ୍ୟୁରୋ): ରାଜଧାନୀରେ ମଙ୍ଗଳବାର ଜଣେ ଯୁବତୀଙ୍କ ହାଇଡ୍ରାମା ଦେଖିବାକୁ ମିଳିଛି। ଯୁବତୀ ଜଣକ ହଠାତ୍ ଖଣ୍ଡଗିରି ଥାନାରେ ପହଞ୍ଚତ୍ ଆତ୍ମହତ୍ୟା ଧମକ ଦେଇଥିଲେ। ୧୦ଟି ନିଦ ବଟିକା ଖାଇଦେଇଥିବା ନେଇ ପୋଲିସଙ୍କୁ କହିଥିଲେ। ଯୁବତୀଙ୍କ ଏଭଳି ଅବସ୍ଥା ଦେଖି ପୋଲିସ ତାଜୁବ ହୋଇଯାଇଥିଲେ। ସଙ୍ଗେ ସଙ୍ଗେ ପୋଲିସ ତାଙ୍କୁ ଡାକ୍ତରଖାନା ନେଇ ଚିକିତ୍ସା କରାଇଥିଲା। ସୂଚନାନୁସାରେ ଯୁବତୀ ଜଣକ ଖଣ୍ଡଗିରି ଥାନା ଅନ୍ତର୍ଗତ ଆଇଗିଣିଆ ଛକରୁ ଗୋଟିଏ୍ ଓଲା ବାଇକ୍ ବୁକ୍ କରିଥିଲେ। ଓଲା ଡ୍ରାଇଭର ସେଠାକୁ ଆସିବା ପରେ ମାଷ୍ଟରକ୍ୟାଣ୍ଟିନ ଯାଇ ସେଠାରେ ଆତ୍ମହତ୍ୟା କରିବେ ବୋଲି କହିଥିଲେ ଯୁବତୀ। ଡ୍ରାଇଭର ଜଣକ ଭୟଭୀତ ହୋଇପଡ଼ି ଥିବାବେଳେ ଯୁବତୀ ଗାଡ଼ିରେ ବସିବାକୁ ଚେଷ୍ଟା କରି ୧୦ଟି ସ୍ଲିପିଂ ବଟିକା ଖାଇଥିବା କହି ଗାଡ଼ିରୁ ପଡ଼ିଯାଇଥିଲେ। ଯୁବତୀଙ୍କ ଏଭଳି ଅବସ୍ଥା ଦେଖି ଡ୍ରାଇଭର ଜଣକ ତାଙ୍କୁ ଉଦ୍ଧାର କରି ସ୍ଥାନୀୟ ଖଣ୍ଡଗିରି ଥାନାରେ ପହଞ୍ଚି ଥିଲେ। ଥାନାରେ ମଧ୍ୟ ଯୁବତୀ ପୋଲିସକୁ ନାକେଦମ କରିଦେଇଥିଲେ। ପରେ ଗୁରୁତର ଯୁବତୀଙ୍କୁ ପୋଲିସ ତୁରନ୍ତ ମେଡିକାଲ ନେଇଥିଲେ।
