ରାଞ୍ଚି: ଗଣେଶପୂଜା ଅବସରରେ ଅନେକ ସ୍ଥାନରେ ଗଣେଶଙ୍କର ଭିନ୍ନ ପ୍ରକାର ପ୍ରତିମୂର୍ତ୍ତି ତିଆରି କରାଯାଇଛି। ଝାଡ଼ଖଣ୍ଡର ଜାମଶେଦପୁରର ଏକ ପୂଜା ମଣ୍ଡପରେ ଗଣେଶ ପ୍ରଭୁଙ୍କ ଆଧାରକାର୍ଡ ତିଆରି ହୋଇଛି। ଏହି ଆଧାରକାର୍ଡରେ ଗଣେଶଙ୍କ ବ୍ୟକ୍ତିଗତ ବିବରଣୀ ଦିଆଯାଇଛି। ବାପାଙ୍କ ନାମ ଜାଗାରେ ମହାଦେବ ଲେଖାଯାଇଥିବାବେଳେ ଠିକଣାରେ କୈଳାସ ପର୍ବତ, ଟପ୍ ଫ୍ଲୋର୍, ମାନସରୋବର, ନଦୀ , କୈଳାସ। ପିନ୍: ୦୦୦୦୦୧। ଜନ୍ମ ବର୍ଷ ଜାଗାରେ ୦୧/୦୧/୬୦୦ସିଇ ଲେଖାଯାଇଛି।
ଗଣେଶଙ୍କ ଆଧାରକାର୍ଡ ନେଇ ଏବେ ଚାରିଆଡ଼େ ଚର୍ଚ୍ଚା। କୋଲକାତାର ଏକ ପୂଜା ମଣ୍ଡପରେ ବେସ୍ବୁକ ଥେମ୍କୁ ନେଇ ମୂର୍ତ୍ତି ତିଆରି କରାଯାଇଥିବା ବେଳେ ଏହାକୁ ଦେଖି ଜାମଶେଦପୁର ପୂଜା କମିଟି ଆୟୋଜକ ସରଭ ଆକୃଷ୍ଠ ହୋଇଥିବା କହିଛନ୍ତି। ଏହି ନିଆରା ମୂର୍ତ୍ତି ଜରିଆରେ ତାଙ୍କ କମିଟି ସଦସ୍ୟ ଏକ ଜନମଙ୍ଗଳକାରୀ ବାର୍ତ୍ତା ଦେବାକୁ ଚାହୁଁଥିବା ସେ ପ୍ରକାଶ କରିଛନ୍ତି। ବର୍ତ୍ତମାନ ସମୟରେ ଆଧାରକାର୍ଡ ଏକ ପ୍ରମୁଖ ପରିଚୟପତ୍ର ପାଲଟିଥିବାବେଳେ ଯେଉଁମାନେ ଏବେସୁଦ୍ଧା ନିଜର ଆଧାର କାର୍ଡ କରିନାହାନ୍ତି ସେମାନେ ତୁରନ୍ତ ଏହି କାର୍ଡ ବନାଇବା ଜରୁରୀ ବୋଲି ସେ ଗଣେଶଙ୍କ ଆଧାରକର୍ଡ ମୂର୍ତ୍ତି ଜରିଆରେ କହିବାକୁ ଚାହୁଁଛନ୍ତି।