ଭୁବନେଶ୍ୱର,୧୪।୧୨(ବ୍ୟୁରୋ): ରାଜ୍ୟରେ ଆଧାର ସଂଯୋଗ ଲର୍ନର ଲାଇସେନ୍ସ ବ୍ୟବସ୍ଥା କାର୍ଯ୍ୟକାରୀ ହେବ। ଏ ନେଇ ବୁଧବାର ବାଣିଜ୍ୟ ଓ ପରିବହନ ବିଭାଗ ପକ୍ଷରୁ ରାଜ୍ୟ ପରିବହନ କମିଶନରଙ୍କୁ ଚିଠି ଲେଖି ଅବଗତ କରାଯାଇଛି। କେନ୍ଦ୍ର ମୋଟର ଯାନ ନିୟମର ନିୟମ-୧୧ ଅନୁଯାୟୀ ଏନ୍ଆଇସି ଜରିଆରେ ଜନସାଧାରଣଙ୍କୁ ସହାୟତା କରିବା ପାଇଁ ଏହି ବ୍ୟବସ୍ଥା କାର୍ଯ୍ୟକାରୀ କରିବାକୁ କୁହାଯାଇଛି। ଏହାଛଡ଼ା ସାରଥି ଓ ବାହାନ ପୋର୍ଟାଲ ଜରିଆରେ ଡ୍ରାଇଭିଂ ଲାଇସେନ୍ସ ସହିତ ୫୮ଟି ଯାନବାହନ ସମ୍ପର୍କିତ ସେବାକୁ ଆଧାର ଲିଙ୍କ୍ କରିବାକୁ କୁହାଯାଇଛି। ଏହାଦ୍ୱାରା ଲୋକମାନେ ଉକ୍ତ ସେବାଗୁଡ଼ିକ ଅନ୍ଲାଇନ ଜରିଆରେ ପାଇପାରିବେ।