ନୂଆଦିଲ୍ଲୀ,୧୪।୯: ସେପ୍ଟେମ୍ବର ୧୯ରୁ ଆଇପିଏଲ୍ ୨୦୨୧ର ଦ୍ୱିତୀୟ ପର୍ଯ୍ୟାୟ ଆରମ୍ଭ ହେବାକୁ ଯାଉଛି। ମ୍ୟାଚ୍ ପାଇଁ ୮ଟିମ୍ ୟୁଏଇରେ ପହଞ୍ଚିଛନ୍ତି। ଚଳିତ ଥର ଟୁର୍ନାମେଣ୍ଟ କିଏ ଜିତିବ କିଏ ହାରିବ ତାକୁ ନେଇ ଏବେଠାରୁ ଚର୍ଚ୍ଚା ଆରମ୍ଭ ହୋଇଗଲାଣି। ଏହି କ୍ରମରେ ପୂର୍ବ କ୍ରିକେଟର ତଥା ଏବେ କମେଣ୍ଟ୍ରି କରୁଥିବା ଆକାଶ ଚୋପ୍ରା ଆଇପିଏଲ୍ ଫାଇନାଲକୁ ନେଇ ଭବିଷ୍ୟବାଣୀ କରିଛନ୍ତି।
ଟୁର୍ନାମେଣ୍ଟରେ ଏବେ ୩୧ ମୁକାବିଲା ହେବା ବାକିଅଛି। ଏଣୁ ପଏଣ୍ଟ ତାଲିକାରେ ବଡ଼ ପରିବର୍ତ୍ତନ ହୋଇପାରେ। ଏଣୁ କିଏ ଫାଇନାଲରେ ପହଞ୍ଚିବ ସେ ବିଷୟରେ ଅନୁମାନ ଲଗାଇବା କଷ୍ଟକର। ହେଲେ ଆକାଶ ନିଜର ପକ୍ଷ ରଖିଛନ୍ତି। ସୋସିଆଲ ମିଡିଆରେ ପ୍ରଶଂସକଙ୍କ ପ୍ରଶ୍ନର ଉତ୍ତର ଦେଉଥିବା ବେଳେ ସେ କହିଛନ୍ତି, କିଏ ଚାମ୍ପିୟନ୍ ହେବ ତାହା ତ ସମୟ କହିବ। ହେଲେ ଫାଇନାଲ ମ୍ୟାଚ୍ ରୟାଲ ଚ୍ୟାଲେଞ୍ଜର୍ସ ବାଙ୍ଗାଲୋର(ଆର୍ସିବି) ଏବଂ ଚେନ୍ନାଇ ସୁପର କିଙ୍ଗ୍ସ(ସିଏସ୍କେ) ମଧ୍ୟରେ ଖେଳାଯିବ।
କହିରଖୁଛୁ, ବର୍ତ୍ତମାନ ସିଏସ୍କେ ପଏଣ୍ଟ ତାଲିକାର ଦ୍ୱିତୀୟ ସ୍ଥାନରେ ରହିଛି। ସେହିଭଳି ଆର୍ସିବି ତୃତୀୟ ସ୍ଥାନରେ ଅଛି। ହେଲେ ଉଭୟ ଟିମ୍ର ପଏଣ୍ଟ ସମାନ ରହିଛି।
