ମୁମ୍ବାଇ: ବଲିଉଡ ଅଭିନେତା ଆମିର ଖାନ ତାଙ୍କ ପୁରୁଣା ଦିନର ଦାରିଦ୍ର୍ୟ ସ୍ଥିତିକୁ ମନେ ପକାଇ କାନ୍ଦି ପକାଇଛନ୍ତି। ବଲିଉଡର ଶ୍ରୀ ପରଫେକ୍ସନିଷ୍ଟ ଆମିର କହିଛନ୍ତି ଯେ ଯେତେବେଳେ ସେ ଛୋଟଥିଲେ, ତାଙ୍କ ପରିବାରର ଆର୍ଥିକ ସ୍ଥିତିକୁ ନେଇ ଲୋକଙ୍କ ମଧ୍ୟରେ ଅନେକ ଭୁଲ ଧାରଣା ରହିଥିଲା। ତାଙ୍କ ପିତା ତାହିର ହୁସେନ ଜଣେ ଚଳଚ୍ଚିତ୍ର ନିର୍ମାତା ଥିଲେ ତେଣୁ ସମସ୍ତେ ଅନୁମାନ କରିଥିଲେ ଯେ ସେ ନିଶ୍ଚିତ ଭାବରେ ବିଳାସପୂର୍ଣ୍ଣ ଜୀବନ ଅତିବାହିତ କରୁଥିବେ। ଅବଶ୍ୟ, ଏହା ସର୍ବଦା ହେଊ ନଥିଲା।
ହ୍ୟୁମାନ୍ସ ଅଫ ବମ୍ବେ ସହିତ ଏକ ବାର୍ତ୍ତାଳାପରେ ଆମିର ମନେ ପକାଇଲେ ଯେ ଯେତେବେଳେ ତାଙ୍କୁ ପ୍ରାୟ ୧୦ ବର୍ଷ ହୋଇଥିଲା, ସେତେବେଳେ ପରିବାରକୁ କଠିନ ସମୟ ଦେଇ ଗତି କରିବାକୁ ପଡୁଥିଲା। ତାଙ୍କ ପିତା ଏକ ଫିଲ୍ମ ପାଇଁ ଋଣ ନେଇଥିଲେ। ମାତ୍ର ଫିଲ୍ମଟି ପ୍ରାୟ ଆଠ ବର୍ଷ ପର୍ଯ୍ୟନ୍ତ ତିଆରି ହୋଇପାର ନଥିଲା। ସେହି ଖରାପ ଦିନ ଗୁଡ଼ିକ ବିଷୟରେ କହି ଆମିର ଭାବପ୍ରବଣ ହୋଇପଡିଥିଲେ। ତାଙ୍କ ଆଖିରୁ ଲୁହ ଝରିବାକୁ ଲାଗିଥିଲା।
ସେ କହିଛନ୍ତି, ଆମକୁ ସବୁଠାରୁ ଅଧିକ ବ୍ୟଥିତ କରୁଥିବା ବିଷୟ ହେଉଛି ଅବା ଜାନଙ୍କ ସ୍ଥିତି। କାରଣ ସେ ଜଣେ ସରଳ ବ୍ୟକ୍ତି ଥିଲେ। ବୋଧହୁଏ ସେ ବୁଝିପାରିଲେ ନାହିଁ ଯେ ସେ ଏତେ ଋଣ ନେବା ଉଚିତ ନୁହେଁ। ତାଙ୍କୁ ଅସୁବିଧାରେ ଦେଖିବା ଅତ୍ୟନ୍ତ କଷ୍ଟଦାୟକ ଥିଲା କାରଣ ସେ ଟଙ୍କା ପାଇଁ ଫୋନରେ ଧମକ ପାଉଥିଲେ। ଅବା ଜାନ କହୁଥିଲେ ମୁଁ କଣ କରିବି, ମୋ ପାଖରେ ଟଙ୍କା ନାହିଁ’ ମୋର ଫିଲ୍ମ ଅଟକି ଯାଇଛି।