ମୁମ୍ବାଇ: ବଲିଉଡର ଅଧିକାଂଶ ସେଲିବ୍ରିଟିଙ୍କ ଘର ହେଉଛି ମୁମ୍ବାଇ। ସେମାନଙ୍କ ମଧ୍ୟରୁ ଆମିର ଖାନ୍ ଜଣେ। ଗତ ତିନି ଦଶକ ଧରି ସେ ଫିଲ୍ମରେ ସକ୍ରିୟ ଥିବା ବେଳେ ଏଠାରେ ହିଁ ରହି ଆସୁଥିଲେ। ହେଲେ ଏବେ ସେ ମୁମ୍ବାଇ ଛାଡ଼ି ଚେନ୍ନାଇ ଚାଲିଯିବାକୁ ନିଶ୍ଚିତ କରିଛନ୍ତି।
କିଛି ଦିନ ପାଇଁ ଆମିର ଚେନ୍ନାଇ ଶିଫ୍ଟ ହେବେ। ତାଙ୍କ ମା’ ଏବେ ଚେନ୍ନାଇରେ। ସେଠାରେ ତାଙ୍କର ଚିକିତ୍ସା ଚାଲିଛି। ଏଣୁ ମା’ଙ୍କୁ ସମୟ ଦେବା ଲାଗି ଆମିର ଚେନ୍ନାଇ ଯିବେ ବୋଲି ଜଣାପଡ଼ିଛି। ପ୍ରାୟ ୨ ମାସ ଯାଏ ସେଠାରେ ସେ ରହିବେ ବୋଲି ଆଶା କରାଯାଉଛି।