ବଲିଉଡ୍ର ମିଷ୍ଟର ପଫେକ୍ଟନିଷ୍ଟ ଅମିର ଖାନ୍ ‘ଲାଲ ସିଂ ଚଢା’ ଫ୍ଲପ୍ ହେବା ପରେ ଫିଲ୍ମରୁ କିଛି ଦିନ ବିରତି ନେଇଛନ୍ତି। ନିକଟରେ ସେ ପୂର୍ବତନ ସ୍ତ୍ରୀ କୀରଣ ରାଓଙ୍କ ସହ କଳସ ପୂଜା କରୁଥିବା ନଜର ଆସିଥିଲେ। ‘ଲାଲ ସିଂ ଚଢା’ର ନିର୍ଦ୍ଦେଶକ ଅଦ୍ୱୈତ ଚନ୍ଦନ ଅମିରଙ୍କୁ ପୂଜା କରୁଥିବା ବେଳର ଫଟୋ ଶେୟାର କରିଛନ୍ତି। ଅମିର ଖାନ ପ୍ରଡକ୍ସନ ହାଉସ କାର୍ଯ୍ୟାଳୟରେ ଆୟୋଜିତ ଏହି ପୂଜା ସମୟରେ ଅମିର ନେହେରୁ କ୍ୟାପ ଏବଂ ମୁଣ୍ଡରେ ତିଳକ ଲଗାଇଥିବାର ନଜର ଆସିଛନ୍ତି। ପୂଜା ସମୟରେ ଉଭୟ ଅମିର ଏବଂ କିରଣ ଡେନିମ ଶର୍ଟ ଏବଂ ଜିନ୍ସ ପିନ୍ଧିଥିଲେ। ଯଦିଓ ଏହି ଦମ୍ପତି ଅଲଗା ହୋଇଯାଇଛନ୍ତି, କିନ୍ତୁ ଉଭୟ ପ୍ରାୟତଃ କାର୍ଯ୍ୟ ସମ୍ପର୍କରେ ଏକାଠି ଦେଖାଯାନ୍ତି।
