ମୁମ୍ବାଇ: ବଲିଉଡ୍ ମିଷ୍ଟର ପରଫେକ୍ଟନିଷ୍ଟ ଆମିର ଖାଁ ନିକଟରେ କିରନ ରାଓଙ୍କ ସହ ବିବାହ ବିଚ୍ଛେଦ ଖବରକୁ ନେଇ ଚର୍ଚ୍ଚାରେ ରହିଥିଲେ। ଏହି ଖବର ପରେ ସୋସିଆଲ ମିଡିଆରେ ଦୁହିଁଙ୍କ ଅନେକ ଫଟୋ ଓ ଭିଡିଓ ସାମ୍ନାକୁ ଆସିଥିଲା। ଯେଉଁଥିରେ ଦୁଇଜଣଙ୍କୁ ସାଙ୍ଗରେ ଦେଖିବାକୁ ମିଳିଥିଲା। ତେବେ ପର୍ସନାଲ ଲାଇଫ୍ ବ୍ୟତୀତ ଆମିର ପ୍ରୋଫେସନାଲ୍ ଲାଇଫ୍କୁ ନେଇ ମଧ୍ୟ ବେଶ୍ ଚର୍ଚ୍ଚାରେ ରହିଥାନ୍ତି। ବର୍ତ୍ତମାନ ସେ ନିଜର ଅପ୍କମିଂ ଫିଲ୍ମ ଲାଲ ସିଂହ ଚଢ଼ାକୁ ନେଇ ଚର୍ଚ୍ଚାର ପରିସରକୁ ଆସିଛନ୍ତି।
ଏହି ଫିଲ୍ମର ଶୁଟିଂ ବର୍ତ୍ତମାନ ଲଦାଖରେ ଚାଲିଥିବା ବେଳେ ସେଟ୍ରେ କିଛି ଦୃଶ୍ୟ ଏବେ ଭାଇରାଲ ହେବାରେ ଲାଗିଛି। ଯେଉଁଥିରେ ଆମିର ଟିମ୍ ସହ ଟେବୁଲ ଟେନିସ୍ ଖେଳୁଥିବାର ଦେଖିବାକୁ ମିଳିଛି। ଏହି ଖେଳରେ ଆମିରଙ୍କ ଠାରୁ ଆରମ୍ଭ କରି ସେଟ୍ରେ ଥିବା ଶିଶୁ କଳାକାର ପର୍ଯ୍ୟନ୍ତ ସମସ୍ତେ ସାମିଲ ହୋଇଥିଲେ। ଏହା ବେଶ୍ ମଜାଦାର ପ୍ରତିଯୋଗୀତା ରହିଥିଲା। ସୂଚନା ମୁତାବକ ଆମିରଙ୍କ ବହୁ ପ୍ରତିକ୍ଷୀତ ଫିଲ୍ମ ଲାଲ ସିଂହ ଚଢ଼ାରେ ପୁଣିଥରେ ଆମିର ଓ କରୀନାଙ୍କ ଯୋଡ଼ିକୁ ଦେଖିବାକୁ ପାଇବେ ଦର୍ଶକେ।