ମୁମ୍ବାଇ: ସାଉଥ୍ ସୁପରଷ୍ଟାର ଜୁନିୟର ଏନ୍ଟିଆର ଖୁବ୍ଶୀଘ୍ର ପ୍ରଶାନ୍ତ ନୀଲଙ୍କ ସହ ଏକ ପାନ ଇଣ୍ଡିଆ ଚଳଚ୍ଚିତ୍ରରେ କାମ କରିବାକୁ ଯାଉଛନ୍ତି। ହେଲେ ବର୍ତ୍ତମାନ ଫିଲ୍ମର ନାମ ଚୂଡାନ୍ତ ହୋଇ ନ ଥିବା ବେଳେ ଏନ୍ଟିଆର-୩୧ ଫିଲ୍ମର ଟାଇଟଲ ବୋଲି କୁହାଯାଉଛି। ଏଥିସହ ଏନ୍ଟିଆରଙ୍କ ସହ ବଲିଉଡ ସୁପରଷ୍ଟାର ଅମୀର ଖାନ୍ ମଧ୍ୟ ଏହି ଫିଲ୍ମରେ ନଜର ଆସିବେ ବୋଲି ଚର୍ଚ୍ଚା ହେଉଛି।
ଏକ ରିପୋର୍ଟ ଅନୁଯାୟୀ ଏହି ଚଳଚ୍ଚିତ୍ରରେ ଆମୀର ଖାନଙ୍କୁ ଏକ ଗୁରୁତ୍ୱପୂର୍ଣ୍ଣ ଭୂମିକା ପାଇଁ ଅଫର କରାଯାଇଛି। ତେବେ ଏ ପର୍ଯ୍ୟନ୍ତ ଏହା ନିଶ୍ଚିତ ହୋଇପାରିନାହିଁ। ଆମୀର ଖାନଙ୍କ ବିଷୟରେ କହିବାକୁ ଗଲେ ଅଭିନେତାଙ୍କୁ ଶେଷ ଥର ପାଇଁ ଫିଲ୍ମ‘ଲାଲ ସିଂ ଚଡ୍ଡା’ରେ ଦେଖିବାକୁ ମିଳିଥିଲା। ନିକଟରେ ଅମୀର କହିଥିଲେ ଯେ, ସେ ସ୍ପେନ ଫିଲ୍ମ ଚାମ୍ପିଅନ୍ସ ରିମେକରେ ଅଭିନୟ କରିବେ ନାହିଁ କାରଣ ସେ ତାଙ୍କ ମା’ଙ୍କ ସହ ସମୟ ବିତାଇବାକୁ ଚାହୁଁଛନ୍ତି।
