ବଲିଉଡ ଅଭିନେତା ଅମିର ଖାନ ମିଷ୍ଟର ପର୍ଫେକ୍ଟନିଷ୍ଟ ଭାବେ ଜଣାଶୁଣା। ସେ ଭାରତୀୟ ସିନେମାକୁ ଅନେକ ହିଟ ଫିଲ୍ମ ଦେଇଛନ୍ତି। ଫିଲ୍ମ ଅପେକ୍ଷା ସେ ନିଜ ବ୍ୟକ୍ତିଗତ ଜୀବନକୁ ନେଇ ପ୍ରାୟତଃ ଚର୍ଚ୍ଚାରେ ଥାନ୍ତି। ଅମିର ଦୁଇଟି ବିବାହ କରିଥିଲେ। ତାଙ୍କର ପ୍ରଥମ ବିବାହ ୧୯୮୬, ଏପ୍ରିଲ ୧୮ ରୀନା ଦତ୍ତଙ୍କ ସହିତ ହୋଇଥିଲା। ଏକ ସମୟ ଥିଲା ଯେତେବେଳେ ଦୁହେଁ ପରସ୍ପରକୁ ବହୁତ ଭଲ ପାଉଥିଲେ। କିନ୍ତୁ ପରେ ଦୁହେଁ ଅଲଗା ହୋଇଯାଇଥିଲେ। ୮୦ ଦଶକରେ ଅମିର ଏବଂ ରୀନାଙ୍କର ପ୍ରେମ ବିବାହ ହୋଇଥିଲା। ତାଙ୍କର ପ୍ରେମ ଜୀବନ ମଧ୍ୟ ବହୁତ ମଜାଦାର ଥିଲା। କୁହାଯାଏ ଯେ ଦୁହେଁ ପଡୋଶୀ ଥିଲେ। ଅମିର ପ୍ରଥମ ଦେଖାରେ ରୀନାଙ୍କ ପ୍ରେମରେ ପଡିଥିଲେ। ସେ ଏକ ନିଆରା ଢଙ୍ଗରେ ନିଜର ପ୍ରେମ ବ୍ୟକ୍ତ କରିଥିଲେ। ରକ୍ତରେ ଏକ ପ୍ରେମ ପତ୍ର ଲେଖି ସେ ନିଜର ପ୍ରେମ ବ୍ୟକ୍ତ କରିଥିଲେ। ତେବେ ଅମିରଙ୍କ ଏହି କାର୍ଯ୍ୟ ଦେଖି ରୀନା ରାଗିଯାଇଥିଲେ। କିନ୍ତୁ ଧୀରେ ଧୀରେ ସେ ମଧ୍ୟ ଅମିରଙ୍କ ପ୍ରେମରେ ପଡିଗଲେ। ଏହା ପରେ, ଦୁହେଁ ୧୮ ଏପ୍ରିଲ ୧୯୮୬ରେ ଗୁପ୍ତ ଭାବରେ ବିବାହ କରିଥିଲେ।
ବିବାହ ପରେ ଉଭୟ ଇରା ଖାନ ଏବଂ ଜୁନୈଦ ଖାନ ନାମକ ଦୁଇ ସନ୍ତାନର ମାତାପିତା ହୋଇଥିଲେ। ଦୁହେଁ ନିଜ ଜୀବନରେ ବହୁତ ଖୁସି ଥିଲେ କିନ୍ତୁ ସମୟ ସହିତ ସେମାନଙ୍କ ସମ୍ପର୍କ ଖରାପ ହେବାକୁ ଲାଗିଲା। ୨୦୦୨ରେ ଉଭୟ ଛାଡପତ୍ର ନେଇଥିଲେ। ତେବେ ଛାଡପତ୍ର ପରେ ମଧ୍ୟ ଉଭୟଙ୍କ ବନ୍ଧୁତା ଆଜି ମଧ୍ୟ ରହିଛି।
ରୀନା ଦତ୍ତଙ୍କଠାରୁ ଅଲଗା ହେବା ପରେ କିରଣ ରାଓ ଅମିରଙ୍କ ଜୀବନରେ ଆସିଥିଲେ। ଦୁହେଁ ପ୍ରଥମ ଥର ପାଇଁ ଫିଲ୍ମ ‘ଲଗାନ’ର ସେଟରେ ଭେଟିଥିଲେ। ବନ୍ଧୁତା ଏବଂ ପ୍ରେମ ସମ୍ପର୍କ ପରେ ଦୁହେଁ ୨୦୦୫ ମସିହାରେ ବିବାହ କରିଥିଲେ। ୨୦୨୧ର ଆରମ୍ଭରେ ଅମିର ଏବଂ କିରଣ ମଧ୍ୟ ଛାଡପତ୍ର ହୋଇଥିଲେ। ଉଭୟଙ୍କର ଏକ ପୁଅ ଆଜାଦ ଅଛି।