ନୂଆଦିଲ୍ଲୀ,୩୦ ।୧୦: ଗୁଜରାଟ ବିଧାନସଭା ନିର୍ବାଚନ ଯେତିକି ଯେତିକି ପାଖେଇ ଆସୁଛି ରାଜନୈତିକ ବୟାନ ବାଜି ବଢିବାରେ ଲାଗିଛି । ରାଜ୍ୟରେ ଭାରତୀୟ ଜନତା ପାର୍ଟି(ଭାଜପା), କଂଗ୍ରେସ ବ୍ୟତୀତ ଆମ ଆଦମୀ ପାର୍ଟି(ଏଏପି) ବି ଖୁବ୍ ସକ୍ରିୟ ନଜର ଆସୁଛି । ସମସ୍ତ ଦଳ ନିର୍ବାଚନ ପ୍ରଚାରରେ ଲାଗି ପଡିଛନ୍ତି । ଗୁଜରାଟରେ ୟୁନିଫର୍ମ ସିଭିଲ କୋର୍ଟକୁ ନେଇ ଉଠିଥିବା ପ୍ରଶ୍ନର ଉତ୍ତରରେ ଦିଲ୍ଲୀ ମୁଖ୍ୟମନ୍ତ୍ରୀ ତଥା ଏଏପିର ସଂଯୋଜକ ଅରବିନ୍ଦ କେଜରିୱାଲ ଏକ ବଡ ବୟାନ ଦେଇଛନ୍ତି । ଗୁଜରାଟ ଭାବନଗରରେ ଏକ ପ୍ରେସ କନଫରେନ୍ସ ସମୟରେ ଅରବିନ୍ଦ କେଜରିୱାଲଙ୍କୁ ପଚରାଯାଇଥିଲା କି ଗୁଜରାଟ ସରକାର ୟୁନିଫର୍ମ ସିଭିଲ କୋର୍ଡର ପ୍ରସ୍ତାବ ରଖିବା ସହ ଏଥିପାଇଁ ଏକ କମିଟି ଗଠନ କରିଛନ୍ତି ।
ଏହାର ଜବାବରେ ଅରବିନ୍ଦ କେଜରିୱାଲ କହିଛନ୍ତି ଭାଜପାର ନିୟତ ଖରାପ । ସମ୍ବିଧାନର ଆର୍ଟିକଲ ୪୪ରେ ସ୍ପଷ୍ଟ ଭାବେ ଲେଖାଯାଇଛି କି ୟୁନିଫର୍ମ ସିଭିଲ କୋର୍ଡ ଲାଗୁ କରିବା ସରକାରଙ୍କ ଦାୟିତ୍ ତ ସରକାର ଏଥିପାଇଁ ୟୁନିଫର୍ମ ସିଭିଲ କୋର୍ଡ ପ୍ରସ୍ତୁତ କରିବା ଦରକାର । ଏହାକୁ ଏମିତି କରିବା ଦରକାର ଯେଉଁଥିରେ ସମସ୍ତ ସମ୍ପ୍ରଦାୟର ସହମତି ରହୁଥିବ । କେଜରିୱାଲ କହିଛନ୍ତି ସମସ୍ତ ସମ୍ପ୍ରଦାୟକୁ ଏକାଠି କରି ୟୁନିଫର୍ମ ସିଭିଲ କୋର୍ଡ ପ୍ରସ୍ତୁତ କରିବା ଉଚିତ ।
