ନୂଆଦିଲ୍ଲୀ,୧୧।୬: ଦିଲ୍ଲୀର ରାମଲିଲା ମଇଦାନରେ ଏକ ରାଲିରେ ଦିଲ୍ଲୀ ମୁଖ୍ୟମନ୍ତ୍ରୀ ତଥା ଆମ ଆଦମୀ ପାର୍ଟି(ଏଏପି)ର ସଂଯୋଜକ ଅରବିନ୍ଦ କେଜରିୱାଲ ଏକ ରାଲିରେ ସମ୍ବୋଧିତ କରିଛନ୍ତି। କେନ୍ଦ୍ରର ଅଧ୍ୟାଦେଶ ବିରୋଧରେ ଡକାଯାଇଥିବା ରାଲିରେ ପ୍ରଧାନମନ୍ତ୍ରୀ ମୋଦିଙ୍କୁ କଡ଼ା ସମାଲୋଚନା କରାଯାଇଛି। କେଜରିୱାଲ କହିଛନ୍ତି ଯେ ବହୁ ବର୍ଷ ପରେ ଆଜି ଆମେ ରାମଲିଲା ମଇଦାନରେ ଏକାଠି ହୋଇଛୁ। ୧୨ ବର୍ଷ ପୂର୍ବେ ଦୁର୍ନୀତି ବିରୋଧରେ ଏକାଠି ହୋଇଥିଲେ। ଆଜି ଆମେ ଏହି ଦେଶରୁ ଏକ ଅହଂକାରୀ ଶାସକଙ୍କୁ ହଟାଇବା ପାଇଁ ଏକାଠି ହୋଇଛୁ । ଏହି ସମୟରେ କେଜରିିୱାଲ ମନୀଷ ସିସୋଡିଆଙ୍କ ସମ୍ପର୍କରେ ପ୍ରଧାନମନ୍ତ୍ରୀ ମୋଦିଙ୍କୁ ମଧ୍ୟ ଟାର୍ଗେଟ କରିଥିଲେ।
କେଜରିିୱାଲ କହିଛନ୍ତି ଯେ ସେ (ପ୍ରଧାନମନ୍ତ୍ରୀ) ମନିଷ ସିସୋଡିଆଙ୍କୁ ଜେଲରେ ରଖିଥିଲେ, ସତ୍ୟେନ୍ଦ୍ର ଜୈନଙ୍କୁ ଜେଲରେ ରଖିଥିଲେ। ଆମର ଗୋଟିଏ ମନିଷ ସିସୋଡିଆ ନାହିଁ, ଆମର ୧୦୦ ମନିଷ ସିସୋଡିଆ ଅଛନ୍ତି, ଆମର ଗୋଟିଏ ସତ୍ୟେନ୍ଦ୍ର ଜୈନ ନାହିଁ, ଆମର ୧୦୦ ସତ୍ୟେନ୍ଦ୍ର ଜୈନ ଅଛନ୍ତି। ଯଦି ତୁମେ ଜଣଙ୍କୁ ଜେଲରେ ରଖିବ, ଅନ୍ୟଟି କାମକୁ ଆସିବ କିନ୍ତୁ ବିକାଶ କାର୍ଯ୍ୟ ଦିଲ୍ଲୀରେ ବନ୍ଦ ହେବ ନାହିଁ ।