ନୂଆଦିଲ୍ଲୀ,୨୯ ।୮: ଦିଲ୍ଲୀର ଆମ ଆଦମୀ ସରକାର ସ୍ୱୀକାର କରିଛି ଯେ ତାଙ୍କ ଦଳର ସମସ୍ତ ବିଧାୟକ ସୋମବାର ରାତିରେ ବିଧାନସଭାରେ ରହିବେ ଓ ଉପରାଜ୍ୟପାଳଙ୍କ ବିରୋଧ କରିବେ । ଏଏପି ବିଧାୟକ ସୌରଭ ଭରଦ୍ୱାଜ କହିଛନ୍ତି, ସୋମବାର ରାତିରେ ସମସ୍ତ ଏଏପି ବିଧାୟକ ବିଧାନସଭାରେ ରହିବେ । ସୂଚନାଯୋଗ୍ୟ, ଆମ ଆଦମୀ ପାର୍ଟି ଦିଲ୍ଲୀ ଉପରାଜ୍ୟପାଳ ବିନୟ ସାକ୍ସେନାଙ୍କ ଉପରେ ନୋଟବନ୍ଦୀ ସମୟରେ ୧୪୦୦ କୋଟି ଟଙ୍କା ଘୋଟାଲା ଅଭିଯୋଗ ଆଣିଛି । ସୌରଭ ଭରଦ୍ୱାଜ କହିଛନ୍ତି ସନ୍ଧ୍ୟାରେ ମହାତ୍ମା ଗାନ୍ଧୀଙ୍କ ପ୍ରତିମୂର୍ତ୍ତି ତଳେ ସମସ୍ତ ଏଏପି ବିଧାୟକ ବସିବେ ଓ ସାରା ରାତି ବିଧାନସଭାରେ ରହି ଉପରାଜ୍ୟପାଳଙ୍କୁ ବିରୋଧ କରିବେ ।
ସୂଚନାଯୋଗ୍ୟ, ଦିଲ୍ଲୀ ବିଧାନସଭାରେ ସୋମବାର ଆମ ଆଦମୀ ପାର୍ଟି ବିଧାୟକ ଦୁର୍ଗେଶ ପାଠକ ଅଭିଯୋଗ ଆଣିଥିଲେ କି ଉପରାଜ୍ୟପାଳ ବିନୟ କୁମାର ସାକ୍ସେନା ଖଦି ଗ୍ରାମୋଦ୍ୟୋଗର ଅଧ୍ୟକ୍ଷ ଥିବା ବେଳେ ୧୪୦୦ କୋଟିର ଘୋଟାଲା କରିଛନ୍ତି । ଦଳ ଏହାର ଅଭିଯୋଗରେ କହିଛି ଖଦି ଗ୍ରାମୋଦ୍ୟୋଗର ଅଧ୍ୟକ୍ଷ ଥିବା ସମୟରେ ବିନୟ କୁମାର ସାକ୍ସେନା ନୋଟବନ୍ଦୀ ସମୟରେ ନଭେମ୍ବର ୨୦୧୬ରେ ପୁରୁଣା ନୋଟକୁ ନୂଆରେ ବଦଳାଇବାକୁ ଏହି ଘୋଟାଲା କରିଛନ୍ତି । ରାଷ୍ଟ୍ରପିତା ମହାତ୍ମା ଗାନ୍ଧୀଙ୍କ ନାଁରେ ଏହି ଘୋଟାଲା କରାଯାଇଛି ।
