ରାଜ୍ୟ ସଭା ପାଇଁ ବଡ଼ ନିଷ୍ପତ୍ତି ନେଲା ଏଏପି: ରାଘବ, ସଞ୍ଜୟଙ୍କୁ ଦେଲା ବଡ଼ ଦାୟିତ୍ୱ

ନୂଆଦିଲ୍ଲୀ,୨୫।୬: ସୋମବାରଠାରୁ ୧୮ତମ ଲୋକ ସଭାର ପ୍ରଥମ ଅଧିବେଶନ ଜାରି ରହିଛି। ଅଧିବେଶନର ପ୍ରଥମ ଦୁଇ ଦିନରେ ଏମ୍‌ପିମାନଙ୍କୁ ଲୋକ ସଭା ସଦସ୍ୟ ଭାବରେ ଶପଥ ଗ୍ରହଣ କରାଯାଉଛି। ବୁଧବାର ଲୋକ ସଭା ବାଚସ୍ପତି ପଦ ପାଇଁ ନିର୍ବାଚନ ଅନୁଷ୍ଠିତ ହେବ। ଏହା ପରେ ରାଜ୍ୟ ସଭାର ପ୍ରକ୍ରିୟା ଆରମ୍ଭ ହେବ। ରାଜ୍ୟ ସଭା ପ୍ରକ୍ରିୟା ଆରମ୍ଭ ହେବା ପୂର୍ବରୁ ଆମ ଆଦମୀ ପାର୍ଟି ସଞ୍ଜୟ ସିଂ ଏବଂ ରାଘବ ଚଡ୍ଡାଙ୍କୁ ଏକ ବଡ ଦାୟିତ୍ୱ ଦେଇଛି।

ଏଏପି ସଞ୍ଜୟ ସିଂଙ୍କୁ ରାଜ୍ୟ ସଭାରେ ଏହାର ନେତା ଭାବରେ ମନୋନୀତ କରିଛି। ଏଥି ସହ ରାଘବ ଚଡ୍ଡାଙ୍କୁ ରାଜ୍ୟ ସଭାରେ ଉପନେତା ହେବେ। ସେହିପରି ଏନଡି ଗୁପ୍ତାଙ୍କୁ ରାଜ୍ୟ ସଭାରେ ହ୍ବିପ୍‌ ମୁଖ୍ୟ କରାଯାଇଛି। ଦିଲ୍ଲୀ ଏବଂ ପଞ୍ଜାବର ଶାସକ ଏଏପିର ରାଜ୍ୟ ସଭାରେ ୧୦ ଜଣ ଏମ୍‌ପି ଅଛନ୍ତି।