ଅହମଦାବାଦ,୨।୮: ଚଳିତ ବର୍ଷ ଗୁଜୁରାଟ ବିଧାନସଭା ନିର୍ବାଚନ ଅନୁଷ୍ଠିତ ହେବାକୁ ଯାଉଛି। ଆମ ଆଦମୀ ପାର୍ଟି(ଏଏପି)ର ଲକ୍ଷ୍ୟ ଗୁଜରାଟ ମିଶନ ରହିଥିବା ବେଳେ ଏଥିପାଇଁ ସମସ୍ତ ପ୍ରସ୍ତୁତି ଚଳାଇଛି। ମଙ୍ଗଳବାର ନିର୍ବାଚନ ପାଇଁ ପ୍ରଥମ ପର୍ଯ୍ୟାୟରେ ୧୦ଜଣ ପ୍ରାର୍ଥୀଙ୍କ ନାମ ଘୋଷଣା କରିଛି ଏଏପି। ଦଳରେ ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରୁଥିବା ଅନେକ ଲୋକଙ୍କୁ ପ୍ରଥମ ପର୍ଯ୍ୟାୟରେ ପ୍ରକାଶ ପାଇଥିବା ତାଲିକାରେ ସ୍ଥାନ ଦିଆଯାଇଛି। ଜଗମାଲ ୱାଲାଙ୍କୁ ସୋମନାଥ, ଅର୍ଜୁନ ରଠୱାଙ୍କୁ ସାନ ଉଦୟପୁର, ଦେଓଦରରୁ ଭୀମାଭାଇ ଚୌଧୁରୀ ଟିକେଟ ପାଇଛନ୍ତି। ସେହିପରି ରାଜକୋଟ ଗ୍ରାମରୁ ବଶରାମ ସାଗଠିଆଙ୍କୁ ଏବଂ ରାଜକୋଟ ଦକ୍ଷିଣରୁ ଶିବଲାଲ ବାର୍ସିଆଙ୍କୁ ଟିକେଟ ଦିଆଯାଇଛି।
