ରାଜସ୍ଥାନରେ ଏଏପିର ନିର୍ବାଚନୀ ଶଙ୍ଖନାଦ: ଦେଶରେ ଗଣତନ୍ତ୍ର ଶେଷ ହେବାରେ ଲାଗିଛି କହିଲେ କେଜରିଓ୍ବାଲ…

ଜୟପୁର,୧୮।୬ : ରବିବାର ରାଜସ୍ଥାନରେ ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜରିୱାଲ ଏବଂ ପଞ୍ଜାବର ସିଏମ ଭଗଓ୍ବନ୍ତ ମନ ନିର୍ବାଚନୀ ଶଙ୍ଖନାଦ ଆରମ୍ଭ କରିଛନ୍ତି। ଏଏପିର ଉଭୟ ନେତା ରାଜ୍ୟର ଶ୍ରୀ ଗଙ୍ଗନଗରରେ ସାଧାରଣ ସଭାକୁ ସମ୍ବୋଧିତ କରିଛନ୍ତି।

ବିଦ୍ୟୁତ, ପାନୀୟ ଜଳ, ଶିକ୍ଷା, ପ୍ରଶ୍ନପତ୍ର ଲିକ ଏବଂ ଦୁର୍ନୀତି ଭଳି ମୌଳିକ ପ୍ରସଙ୍ଗରେ କେଜରିୱାଲ ରାଜ୍ୟବାସୀଙ୍କୁ ସମ୍ବୋଧିତ କରିଛନ୍ତି। ଏଏପି ନେତାମାନେ କହିଛନ୍ତି ଏହା କେନ୍ଦ୍ର ଏବଂ ରାଜ୍ୟ ସରକାରଙ୍କ ପାଇଁ ଏକ ଚେତାବନୀ ହେବ।

କେନ୍ଦ୍ର ସରକାର ପ୍ରଥମେ ଦୁଇ ହଜାର ନୋଟ ଆଣିବେ। ପୁଣି କିଛି ବର୍ଷ ପରେ ୨,୦୦୦ ଟଙ୍କିଆ ନୋଟର ବିମୁଦ୍ରୀକରଣ କରାଯାଇଛି। ଚତୁର୍ଥ ପାସ ରାଜା ଦେଶ କିପରି ଚାଲିବ ତାହା ବୁଝିିବାରେ ସକ୍ଷମ ନୁହଁନ୍ତି। ୨,୦୦୦ ଟଙ୍କିଆ ନୋଟ ଆସିବ କି ଯିବ ତାହା ସେମାନେ ଜାଣନ୍ତି ନାହିଁ। ଦୁର୍ନୀତି ସବୁଆଡେ ବ୍ୟାପିଛି। ରେଳ ବିଭାଗ ନଷ୍ଟ ହୋଇଯାଇଛି।
କୋର୍ଟ କହିଛନ୍ତି ଭାରତ ଏକ ଗଣତନ୍ତ୍ର। ଲୋକମାନେ ସେମାନଙ୍କର ସରକାର ବାଛନ୍ତି। ଅନ୍ୟପକ୍ଷରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଏକ ଅଧ୍ୟାଦେଶ ଆଣି ସୁପ୍ରିମକୋର୍ଟଙ୍କ ଆଦେଶକୁ ପ୍ରତ୍ୟାଖ୍ୟାନ କରିଛନ୍ତି। ମୋଦିଙ୍କ ନିୟମ ଅନୁଯାୟୀ ବର୍ତ୍ତମାନ ଦିଲ୍ଲୀରେ ଆଉ ଗଣତନ୍ତ୍ର ରହିବ ନାହିଁ। ଏକଛତ୍ରବାଦୀ ଶାସନ ବର୍ତ୍ତମାନ ଦିଲ୍ଲୀରେ ଚାଲିବ। ବର୍ତ୍ତମାନ ଦିଲ୍ଲୀ ସରକାର ଜନସାଧାରଣଙ୍କ ପାଇଁ କାମ କରିବେ ନାହିଁ ।

ପ୍ରଧାନମନ୍ତ୍ରୀ ମୋଦି ଅହଂକାର କରୁଛନ୍ତି। ସେ କହିଛନ୍ତି ମୁଁ ସୁପ୍ରିମକୋର୍ଟରେ ବିଶ୍ୱାସ କରେ ନାହିଁ। ଦେଶରେ ଗଣତନ୍ତ୍ର ଶେଷ ହେବାକୁ ଯାଉଛି। ପ୍ରଧାନମନ୍ତ୍ରୀ ମୋଦି କହିଛନ୍ତି ମୁଁ ସର୍ବୋଚ୍ଚ ଆଦେଶକୁ ମାନୁ ନାହିଁ, ଏହା ସମ୍ପୂର୍ଣ୍ଣ ଏକଛତ୍ରବାଦୀ ଶାସନ।

ଏଏପି ରାଜ୍ୟର ୨୦୦ ବିଧାନସଭା ଆସନରେ ପ୍ରତିଦ୍ୱନ୍ଦ୍ୱିତା କରିବ। ଏହା ପୂର୍ବରୁ ଦଳର ନେତାମାନେ ଘୋଷଣା କରିଥିଲେ। ଦଳ ଦୀର୍ଘ ଦିନ ଧରି ରାଜ୍ୟରେ ନିଜର ସଂଗଠନକୁ ମଜବୁତ କରିଆସୁଛି। ରାଜ୍ୟ ତଥା ଜିଲାସ୍ତରରେ ଅଫିସ ଧାରକ ନିଯୁକ୍ତ କରାଯାଇଛି।