ନୂଆଦିଲ୍ଲୀ,୨୭।୪ : ମୁଖ୍ୟମନ୍ତ୍ରୀଙ୍କ ବାସଭବନର ସୌନ୍ଦର୍ଯ୍ୟକରଣକୁ ନେଇ ଦିଲ୍ଲୀରେ ରାଜନୈତିକ ବିବାଦ ଜାରି ରହିଛି। ଗୁରୁବାର ଭାରତୀୟ ଜନତା ପାର୍ଟିର ରାଜ୍ୟସଭା ଏମପି ତଥା ମୁଖପାତ୍ର ସୁଧାଶୁଂ ତ୍ରିବେଦୀ ଦିଲ୍ଲୀର ମୁଖ୍ୟମନ୍ତ୍ରୀ ଏବଂ ଆମ ଆଦମୀ ପାର୍ଟି କୁ କଡ଼ା ସମାଲୋଚନା କରିଛନ୍ତି। ସେ ଖବରଦାତାଙ୍କୁ କହିଛନ୍ତି , ଲୋକେ କୁହନ୍ତି, ଯେତେବେଳେ ରାଜଯୋଗ ଆସେ, ପ୍ରାୟତଃ ଏହା ସହିତ ରାଜରୋଗ ଆସିଥାଏ। କିନ୍ତୁ ଆମ ଆଦମୀ ପାର୍ଟି ପ୍ରସଙ୍ଗରେ ଏହି ରାଜରୋଗ ଏତେ ସଂକ୍ରାମକ ହୋଇଯିବ, ଏହା ଦିଲ୍ଲୀର ସାଧାରଣ ଲୋକଙ୍କ ଚିନ୍ତାଶକ୍ତିର ବାହାରେ ଥିଲା ।
ଆଜି ଏହି ରାଜ ରୋଗ ତାଙ୍କ ସରକାର, ଦଳ ଏବଂ ସଂଗଠନ ମାଧ୍ୟମରେ ନିଜ ଘରେ ପହଞ୍ଚିଛି। ଆଜି ଦିଲ୍ଲୀବାସୀ ଚକିତ ହୋଇଯାଇଛନ୍ତି। ଏହା ଆମ ଆଦମୀ ପାର୍ଟିର ଦୁର୍ନୀତିର ପର୍ଦ୍ଦାଫାଶ କରିଛି। ଦୁର୍ନୀତି ଲୁଚାଇବା ଲକ୍ଷ ଲକ୍ଷ ଟଙ୍କା ମୂଲ୍ୟର ପରଦା ଘରେ ବ୍ୟବହୃତ ହେଉଥିଲ। ଏହା କେଇଁ ର୍ଦୁନୀତି ଥିଲା ? ଦିଲ୍ଲୀର ଲୋକମାନେ ସେମାନଙ୍କର ଦାବି ବଉପରେ ବିଶ୍ୱାସ କରୁଥିଲେ। କିନ୍ତୁ ଆଜି ଦିଲ୍ଲୀର ଲୋକମାନେ ପ୍ରତାରିତ ହୋଇଥିବା ଅନୁଭବ କରୁଛନ୍ତି।
ଆମ ଆଦମୀ ପାର୍ଟି ସମସ୍ତ ସୀମା ଅତିକ୍ରମ କରିଛି। କୋଟି କୋଟି ଟଙ୍କା ନେଇ ପରାମର୍ଶଦାତା ନିଯୁକ୍ତ କଲେ। ମୁଖ୍ୟମନ୍ତ୍ରୀ ଅରବିନ୍ଦ କେଜରିୱାଲଙ୍କ ପାଇଁ ପ୍ରାସାଦର ନବୀକରଣ ପାଇଁ ୯ କୋଟି ୯୯ ଲକ୍ଷ ଟଙ୍କା ଖର୍ଚ୍ଚ କରିବା ଅତ୍ୟନ୍ତ ଲଜ୍ଜାଜନକ।
