ଦକ୍ଷିଣ ଆଫ୍ରିକାର ପ୍ରସିଦ୍ଧ କ୍ରିକେଟର୍ ଏବି ଡିଭିଲିୟର୍ସ ତୃତୀୟଥର ପାଇଁ ପିତା ହେବାର ସୌଭାଗ୍ୟ ଲାଭ କରିଛନ୍ତି। ତାଙ୍କ ସ୍ତ୍ରୀ ଡେନିୟଲ୍ ଡିଭିଲିୟର୍ସ ଏକ କନ୍ୟା ସନ୍ତାନ ଜନ୍ମ ଦେଇଛନ୍ତି। ସେ ନବଜାତ ଶିଶୁ ସହ ଏକ ଫଟୋ ଶେୟାର କରି କହିଛନ୍ତି, ଆମେ ଆମର ସୁନ୍ଦର ଶିଶୁକୁ ସ୍ବାଗତ କରୁଛୁ। ତୁମେ ଆମ ପରିବାର ପାଇଁ ଆଶୀର୍ବାଦ। ଆମେ ତୁମକୁ ପାଇଁ ବହୁତ ଖୁସି। ଡିଭିଲିୟର୍ସ ନିଜ ଝିଅର ନାଁ ୟେନ୍ତେ ରଖିଛନ୍ତି। ଏହାପୂର୍ବରୁ ଏବି ଏବଂ ଡେନିୟଲ୍ଙ୍କ ଆବ୍ରାହମ, ରିଚର୍ଡ ନାମରେ ଦୁଇଟି ପୁଅ ଥିଲେ। ଉଭୟଙ୍କ ପ୍ରେମକାହାଣୀ ବେଶ୍ ନିଆରା। ଏବି ସ୍ତ୍ରୀଙ୍କ ଭାରତର ତାଜମହଲ ଆଗରେ ପ୍ରପୋଜ କରିଥିଲେ। ୨୦୧୩ ମାର୍ଚ୍ଚ ୩୦ରେ ଦୁହେଁ ବିବାହ କରିଥିଲେ।