ଭାରତୀୟ କ୍ରିକେଟ୍ ଦଳର ଅଧିନାୟକ ବିରାଟ କୋହଲି ଏବଂ ଦକ୍ଷିଣ ଆଫ୍ରିକାର ପୂର୍ବତନ ବ୍ୟାଟ୍ସମ୍ୟାନ୍ ଏବି ଡିଭିଲିୟର୍ସ କ୍ରିକେଟ୍ ଦୁଇ ବଡ ନାମ। ଆଇପିଏଲ ୨୦୨୦ରେ ଏହି ଦୁଇ ଖେଳାଳି ରୟାଲ ଚ୍ୟାଲେଞ୍ଜର୍ସ ବେଙ୍ଗାଲୁରୁ ପକ୍ଷରୁ ଏକାଠି ଖେଳୁଥିବା ଦେଖିବାକୁ ମିଳେ। ମହାନ ବ୍ୟାଟ୍ସମ୍ୟାନ୍ ସୁନୀଲ ଗାଭାସ୍କର ଉଭୟଙ୍କର ଏତେ ବଡ ପ୍ରଶଂସକ ଯେ ସେମାନଙ୍କୁ ଶୋଲେର ‘ଜୟ-ଭୀରୁ’ ବୋଲି ମଧ୍ୟ ଡାକନ୍ତି। କିନ୍ତୁ ଜାଣନ୍ତି କି ଡିଭିଲିୟର୍ସ କୋହଲିଙ୍କ ବ୍ୟାଟ୍ ଚୋରି କରିବାକୁ ଚାହୁଁଛନ୍ତି। ରୟାଲ ଚ୍ୟାଲେଞ୍ଜର୍ସ ବେଙ୍ଗାଲୁରୁ ଏକ ଭିଡିଓ ଜାରି କରିଛି। ଏହି ଭିଡିଓରେ ବେଙ୍ଗାଲୁର ଅଧିନାୟକ ବିରାଟ କୋହଲି ତାଙ୍କ କିଟ ବ୍ୟାଗ ବିଷୟରେ କହୁଛନ୍ତି। ଏହି ବ୍ୟାଗ୍ରେ ବ୍ୟାଟ, ପ୍ୟାଡ, ଜୋତା କିମ୍ବା ଅନ୍ୟାନ୍ୟ ଜିନିଷ ଅଛି। କୋହଲି ତାଙ୍କ କିଟ୍ ବ୍ୟାଗ୍ ବିଷୟରେ କହୁଥିବାବେଳେ ଏବି ଡି ଭିଲିୟର୍ସ ସେଠାକୁ ଆସୁଛନ୍ତି। କୋହଲି କହୁଛନ୍ତି ମୋର ଏହି ସାଥୀ ବିନା ମୁଁ ଅଭ୍ୟାସ କରିପାରିବି ନାହିଁ। ଏହା ପରେ ଡିଭିଲିୟର୍ସ କହୁଚନ୍ତି ମୁଁ କୋହଲିଙ୍କ ବ୍ୟାଟ୍କୁ ବହୁତ୍ ବସନ୍ଦ କରେ। ମୁଁ ତାକୁ ଚୋରି କରିବାକୁ ଚାହୁଁଛି। କୋହଲି କିନ୍ତୁ ତାକୁ ଲୁଚାଇ ରଖୁଛନ୍ତି। କିନ୍ତୁ ଦିନେ ନା ଦିନେ ମୁଁ ଏହାକୁ ଚୋରି କରିବି ବୋଲି ସେ କହିଥିଲେ।