ଲକ୍ଡାଉନ୍ ଯୋଗୁ ଏବେ କ୍ରିକେଟ୍ ସିରିଜ୍ ସ୍ଥଗିତ ରଖାଯିବା ସହ ଫିଲ୍ମ ଶୁଟିଂ ମଧ୍ୟ ବନ୍ଦ ରଖାଯାଇଛି। ଏହି ସମୟରେ ଭାରତୀୟ କ୍ରିକେଟ ଦଳର ଅଧିନାୟକ ବିରାଟ କୋହଲି ଏବଂ ସ୍ତ୍ରୀ ତଥା ଅଭିନେତ୍ରୀ ଅନୁଷ୍କା ଶର୍ମା ସୋସିଆଲ ମିଡିଆରେ ବେଶ୍ ଆକ୍ଟିଭ୍ ରହୁଛନ୍ତି। ନିକଟରେ ଦକ୍ଷିଣ ଆଫ୍ରିକାର ପୂର୍ବତନ ବ୍ୟାଟ୍ସମ୍ୟାନ୍ ଏବି ଡିଭିଲିୟର୍ସ ତୃତୀୟଥର ପାଇଁ ପିତା ହେବାକୁ ଯାଉଛନ୍ତି। ଏହା ସହ ସେ ନିଜ ସ୍ତ୍ରୀ ଡ୍ୟାନିୟଲିଙ୍କ ସହ ଏକ ଫଟୋ ଶେୟାର କରିଥିଲେ। ଉଭୟ କୋହଲି ଏବଂ ଅନୁଷ୍କା ତାଙ୍କୁ କମେଣ୍ଟ କରି ଶୁଭେଚ୍ଛା ଜଣାଇଥିଲେ। ଅନୁଷ୍କା ଏବିଙ୍କୁ ଶୁଭେଚ୍ଛା, ଏହା ଏକ ଭଲ ଖବର ବୋଲି କହିଥିଲେ। ଏହାପରେ ତାଙ୍କ ପ୍ରଶଂସକ ପଛରେ ପଡିଯାଇଥିଲେ। କିଏ କହିଥିଲେ ଛୋଟା କୋହଲି କେବେ ଆସିବ ତ ଆଉ କିଏ କହିଥିଲେ, ପରିବାର କେବେ ବଢାଉଛ। ସୂଚନାଯୋଗ୍ୟ, ଏବି ଡିଭିଲିୟର୍ସ ଏବଂ କୋହଲି ଆଇପିଏଲରେ ବେଙ୍ଗାଲୁରୁ ରୟାଲ ଚ୍ୟାଲେଞ୍ଜର୍ସ ପକ୍ଷରୁ ଏକାଠି ଖେଳନ୍ତି।
