ଚେନ୍ନାଇ,୧୫।୪: ବିସ୍ଫୋରକ ବ୍ୟାଟସମ୍ୟାନ୍ ଏବି ଡି ଭିଲିୟର୍ସ ପଡିଆକୁ ଓହ୍ଲାଇବା ମାତ୍ରେ ବୋଲରଙ୍କ ଚିନ୍ତା ବଢିଯାଏ। କିନ୍ତୁ ଜାଣିଛନ୍ତି ବ୍ୟାଟିଂ କରୁଥିବାବେଳେ ଡି ଭିଲିୟର୍ସଙ୍କୁ ଡର ଲାଗିଥାଏ। ଅବଶ୍ୟ ଏହା ଆଶ୍ଚର୍ଯ୍ୟର କଥା ହୋିପାରେ କିନ୍ତୁ ସତ, ଏକଥା ନିଜେ ସ୍ବୀକାର କରିଛନ୍ତି ଏବି। ସେ କହିଛନ୍ତି, ଟି-୨୦ ଫର୍ମାଟରେ କମ ସମୟରେ ଅଧିକ ଆହ୍ବାନକୁ ପୂରଣ କରିବାକୁ ପଡିଥାଏ। ସବୁବେଳେ ଫର୍ମରେ ନଜର ଆସୁଥିବା ଡି ଭିଲିୟର୍ସ କହିଛନ୍ତି ଯେ, ପରିସ୍ଥିତି ଅନୁଯାୟୀ ମୁଁ ଯଥାସମ୍ଭବ ଚେଷ୍ଟା ରନ୍ କରିବାକୁ ଚେଷ୍ଟା କରେ, ଏହା ଏକ ସାଧାରଣ କଥା ପରି ମନେହୁଏ। କିନ୍ତୁ ପ୍ରକୃତ କଥା ହେଉଛି ଯେ ଆପଣ ପ୍ରତ୍ୟେକ ଥର ମଧ୍ୟମ କ୍ରମରେ ବ୍ୟାଟିଂ କଲେ ପରିସ୍ଥିତି ବଦଳିଯାଏ। କିନ୍ତୁ ସବୁବେଳେ ମନରେ ଭୟ ଥାଏ କାଳେ ବିଫଳ ହୋଇଯିବି। କିନ୍ତୁ ଏହି ବିଫଳତାର ଭୟ ମୋତେ ସବୁବେଳେ ବଲ ଉପରେ ଅଧିକ ଧ୍ୟାନ ଦେବା ଏବଂ ମୌଳିକ ଉନ୍ନତି ପାଇଁ ପ୍ରେରଣା ଦେଇଥାଏ। ଏକ ଭଲ ଆରମ୍ଭକୁ ଯିବାକୁ ଚେଷ୍ଟା କରେ। ପ୍ରଥମ ୨୦ ବଲରେ ଭଲ ଆରମ୍ଭ କରିବା ଜରୁରୀ ଅଟେ ବୋଲି ସେ କହିଛନ୍ତି।
ପ୍ରାୟ ୫ ମାସ ପରେ ପ୍ରଥମ ପ୍ରତିଯୋଗିତାମୂଳକ ମ୍ୟାଚ ଖେଳିଥିବା ଡି ଭିଲିୟର୍ସ ଇଣ୍ଡିଆନ ପ୍ରିମିୟର ଲିଗର ପ୍ରଥମ ମ୍ୟାଚରେ ଡିଫେଣ୍ଡିଂ ଚାମ୍ପିଅନ ମୁମ୍ବାଇ ଇଣ୍ଡିଆନ୍ସ ବିପକ୍ଷରେ ରୟାଲ ଚ୍ୟାଲେଞ୍ଜର୍ସ ବେଙ୍ଗାଲୁରୁ (ଆରସିବି) ବିଜୟରେ ପ୍ରମୁଖ ଭୂମିକା ଗ୍ରହଣ କରିଥିଲେ।