ଭୁବନେଶ୍ୱର,୧୧।୯(ଅସମାପିକା ସାହୁ): ରାଜ୍ୟର ବେସରକାରୀ ଅନୁଦାନପ୍ରାପ୍ତ କଲେଜରେ ୧,୦୬୫ ଅଧ୍ୟାପକ ପଦବୀ ପୂରଣ ହେବ। ଏଥିପାଇଁ ସୋମବାରଠାରୁ ଅନ୍ଲାଇନ୍ ଆବେଦନ ପ୍ରକ୍ରିୟା ଆରମ୍ଭ ହୋଇଛି। ଏହି ଆବେଦନ ପ୍ରକ୍ରିୟା ଅକ୍ଟୋବର ୧୩ ରାତି ୧୧ଟା ୪୫ ଯାଏ ଚାଲିବ। ଏ ନେଇ ସୋମବାର ଷ୍ଟେଟ୍ ସିଲେକ୍ସନ ବୋର୍ଡର ଓ୍ବେବ୍ସାଇଟ୍ www.ssbodisha.ac.inରେ ସମସ୍ତ ତଥ୍ୟ ଉପଲବ୍ଧ ହୋଇଛି। ସୂଚନାଯୋଗ୍ୟ, ୧,୦୬୫ ପଦବୀ ମଧ୍ୟରେ ୩୪୭ଟି ମହିଳାଙ୍କ ପାଇଁ ସଂରକ୍ଷିତ ରହିଛି। ସେହିପରି ଏସ୍ଟି ବର୍ଗ ପାଇଁ ମୋଟ ୨୩୬ଟି ପଦବୀ ସଂରକ୍ଷିତ ରହିଥିବାବେଳେ ଏସ୍ସି ପାଇଁ ୧୭୦, ଏସ୍ଇବିସି ପାଇଁ ୧୧୭ ଏବଂ ସାଧାରଣ ବର୍ଗ ପାଇଁ ୫୪୨ଟି ପଦବୀ ସଂରକ୍ଷିତ ରହିଛି।
