ଇନ୍ଦୋର,୧୦।୧୧: ନ୍ୟୁଜିଲାଣ୍ଡ ବିପକ୍ଷରେ ଖେଳାଯିବାକୁ ଥିବା ୩ ମ୍ୟାଚ୍ ବିଶିଷ୍ଟ ସିରିଜ୍ ଲାଗି ଭାରତୀୟ ଟି-୨୦ ଟିମ୍ରେ ଦ୍ରୁତ ବୋଲର ଆବେଶ ଖାନ୍ଙ୍କୁ ସୁଯୋଗ ମିଳିଛି। ଏହାକୁ ନେଇ ସେ ଖୁସିବ୍ୟକ୍ତ କରିବା ସହ ତାଙ୍କ ସ୍ବପ୍ନ ପୂରଣ ହୋଇଥିବା କହିଛନ୍ତି।
ଭିନ୍ନ ଭିନ୍ନ ପ୍ରତିଯୋଗିତାରେ ଖେଳି ତିନି ମାସ ପରେ ଘରକୁ ଫେରିଛନ୍ତି ଆବେଶ। ବୁଧବାର ସକାଳେ ସେ ଫେରିବା ପରେ ଘର ସମ୍ପର୍କୀୟ ଏବଂ ପ୍ରଶଂସକଙ୍କ ଗହଳି ଲାଗିଥିଲା। ସମସ୍ତେ ତାଙ୍କୁ ଭାରତୀୟ ଟିମ୍ରେ ଚୟନ କରାଯିବାକୁ ନେଇ ଶୁଭେଚ୍ଛା ଜଣାଉଛନ୍ତି। ଏସବୁ ମଧ୍ୟରେ ଦଳରେ ସାମିଲ ହେବା ନେଇ ପ୍ରତିକ୍ରିୟା ରଖି ବୋଲର୍ କହିଛନ୍ତି, ନିଜ ଦେଶ ପାଇଁ ଖେଳିବା ସବୁ କ୍ରିକେଟରଙ୍କ ସ୍ବପ୍ନ। ଏହି ସ୍ବପ୍ନକୁ ପୂରଣ କରିବାକୁ ସେ ପରିଶ୍ରମ କରିଥାଏ। ମୋର ସେହି ସ୍ବପ୍ନ ଏବେ ପୂରଣ ହୋଇଛି।
