ମୁମ୍ବାଇ: ବଲିଉଡ ଅଭିନେତା ଅଭିଶେକ ବଚ୍ଚନ ଓ ପୂର୍ବତନ କ୍ରିକେଟ କ୍ୟାପଟେନ କପିଲ ଦେବ ୭୫ ତମ ସ୍ୱାଧିନତା ଦିବସ ଅବସରରେ ଇଣ୍ଡିଆ ଫିଲ୍ମ ଫେଷ୍ଟିଭାଲ ଅଫ ମେଲେବୋର୍ନ(ଆଇଏଫଏଫଏମ୍)ରେ ଭାରତୀୟ ତ୍ରିରଙ୍ଗା ଉଡାଇବେ । ଅଭିଶେଷକ ବଚ୍ଚନ ଆଇଏଫଏଫଏମରେ ମୁଖ୍ୟ ଅତିଥି ଭାବେ ସାମିଲ ହେବେ ।
ଅଭିନେତା କହଛନ୍ତି ସିନେମା ଉତ୍ସବରେ ଭାଗ ନେବା ପାଇଁ ନିମନ୍ତ୍ରଣ କରାଯିବା ଏକ ବଡ ସମ୍ମାନ । ମେଲବୋର୍ନରେ ଭାରତୀୟ ସ୍ୱାଧିନତାର ପ୍ରତିଷ୍ଠିତ ଫେଡେରେଶନ ସ୍କୋୟାରରେ ଜାତୀୟ ପତାକା ଉଡାଇବା ମୋ ପାଇଁ ଗର୍ବର କଥା । ଏହା ଏମିତି ଏକ ଆୟୋଜନ ଯେଉଁଠାରେ ଅଷ୍ଟ୍ରେଲିୟାରେ ରହୁଥିବା ସମସ୍ତ ଭାରତୀୟ, ସମସ୍ତେ ଭିନ୍ନ ଭିନ୍ନ ପୃଷ୍ଠଭୂମିର, ଭାରତ ସ୍ୱାଧିନତାର ୭୫ ବର୍ଷ ପାଳନ ପାଇଁ ଏକାଠି ହେବେ । ଏହା ଅଷ୍ଟ୍ରେଲିୟା ଓ ଭାରତ ମଧ୍ୟରେ ବନ୍ଧୁତ୍ୱର ସମ୍ପର୍କକୁ ଦର୍ଶାଉଛି ।
ଅଭିଶେକ ଆହୁରି ମଧ୍ୟ କହିଛନ୍ତି, କପିଲ ସାରଙ୍କ ସହ ଗୋଟିଏ ମଞ୍ଚରେ ଏକାଠି ହେବା ମୋ ପାଇଁ ଗର୍ବର କଥା । ଏହାସହ ଏହି ଆୟୋଜନ ସିନେମା ଓ କ୍ରିକେଟକୁ ଏକସହ ଆଣିବାର ବି ଏକ ପ୍ରତିକ । ଏହି ଦୁଇଟି ଜିନିଷ ଆମ ଭାରତୀୟଙ୍କୁ ଏକାଠି ଯୋଡିଥାଏ । ଶହ ଶଡ ଲୋକଙ୍କ ମଧ୍ୟରେ ଭାରତ, ଭାରତୀୟ ଓ ଆମ ଦେଶର ଭାବନାର ଉତ୍ସବ ପାଳନ କରିବାକୁ ମୁଁ ଉତ୍ସାହିତ ଅଛି ।
ଆଇଏଫଏଫଏମ ଫେଷ୍ଟିଭାଲର ଡାଇରେକ୍ଟର ମିତୁ ଭୌମିକ ଲାଙ୍ଗେ କହିଛନ୍ତି, ଭାରତ ସ୍ୱାଧିନତାର ୭୫ ବର୍ଷ ପୂରଣ କରିଛି । ଆଉ ଆମ ଫିଲ୍ମ ଜନତାଙ୍କ ମନରେ ଦେଶଭକ୍ତି ଜାଗ୍ରତ କରିବାର ବଡ ମାଧ୍ୟମ ରହିଛି । ଆମେ ଏହାକୁ ଆମ ମତରେ ପାଳନ କରୁଛୁ । ଅଷ୍ଟ୍ରେଲିୟାରେ ଲୋକେ ଭାରତୀୟ ଫିଲ୍ମ ଓ କ୍ରିକେଟକୁ ପସନ୍ଦ କରିଥାଆନ୍ତି । ଆଉ ଅଭିଶେକ ବଚ୍ଚନ ଏକ ମର୍ଯ୍ୟାଦାପୂର୍ଣ୍ଣ ପରିବାରରୁ ଆସିଛନ୍ତି ଏପଟେ କପିଳ ଦେବ, ଯିଏ ଆମ ଦେଶକୁ ବିଶ୍ୱ ମାନଚିତ୍ରରେ ସ୍ଥାନ ଦେଇ ପାରିଛନ୍ତି, ଏମାନଙ୍କୁ ଏଥିପାଇଁ ଉପଯୁକ୍ତ ବ୍ୟକ୍ତି ଭାବି ଆମନ୍ତ୍ରଣ କରାଯାଇଛି ।
