ଲକ୍ଷ୍ନୌ: ୟୁପି ବୋର୍ଡର ଦଶମ ଶ୍ରେଣୀ ପରୀକ୍ଷାରେ ଦ୍ୱିତୀୟ ଟପ୍ପର ହୋଇଛନ୍ତି ବାରାବଙ୍କିର ଅଭିମନ୍ୟୁ ବର୍ମା। ସେ ପରୀକ୍ଷାରେ ରଖିଛନ୍ତି ୯୫.୮୩% ମାର୍କ। କୃଷକ ପରିବାରରୁ ଆସିଥିବା ଅଭିମନ୍ୟୁ ଟପ୍ପର ହେବା ପରେ ଚର୍ଚ୍ଚାରେ ଅଛନ୍ତି।
ଅଭିମନ୍ୟୁଙ୍କ ମା’ବାପା ସ୍କୁଲ କ’ଣ ଜାଣିନାହାନ୍ତି। ସେମାନେ ପାଠପଢ଼ି ନ ଥିଲେ ହେଁ ପୁଅଙ୍କୁ ବହୁ କଷ୍ଟରେ ପାଠ ପଢ଼ାଉଛନ୍ତି। ଏଭଳି ସ୍ଥଳେ ଅଭିମନ୍ୟୁ ଟପ୍ପର ହେବା ପରେ ଘରଲୋକେ ଖୁସିରେ ଆତ୍ମବିଭୋର ହୋଇଯାଇଛନ୍ତି।
ଅଭିମନ୍ୟୁଙ୍କ ବାପା କୃଷିକାର୍ଯ୍ୟ କରି ପରିବାର ପ୍ରତିପୋଷଣ କରନ୍ତି। ସେ ଏକମାତ୍ର ପୁଅ ହୋଇଥିବା ବେଳେ ଦୁଇ ଭଉଣୀ ଅଛନ୍ତି। ନିଜେ ପାଠ ପଢ଼ିବାର ସୁଯୋଗ ପାଇ ନ ଥିଲେ ହେଁ ନିଜ ପୁଅକୁ ବଡ଼ ମଣିଷ ହେବାରେ ଦେଖିବାକୁ ଚାହୁଁଥିବା ଅଭିମନ୍ୟୁଙ୍କ ବାପା କହିଛନ୍ତି।
କହିରଖୁଛୁ ୟୁପି ବୋର୍ଡ ପରୀକ୍ଷାରେ ଟପ୍ପର ହୋଇଥିବା ବାଗପତ୍ର ରିୟା ଜୈନ ୯୬.୬୭% ମାର୍କ ରଖିଛନ୍ତି। ତାଙ୍କ ମା’ବାପା ଓଢ଼ଣୀ ପ୍ରସ୍ତୁତ କରିବାର ଛୋଟ କାରବାର କରୁଥିବା ବେଳେ ତାଙ୍କ ସଫଳତା ପରିବାରରେ ଖୁସି ଆଣିଛି।