ବମ୍ବେ: ବଲିଉଡର ଚର୍ଚ୍ଚିତ ଦମ୍ପତି ଅଭିଷେକ ବଚ୍ଚନ ଏବଂ ଐଶ୍ୱର୍ଯ୍ୟାଙ୍କ ସମ୍ପର୍କରେ ଫାଟ। ଏନେଇ କିଛି ଦିନ ଧରି କିଛି ନା କିଛି ଶୁଣିବାକୁ ମିଳୁଥିବା ବେଳେ ଏବେ କିଛି ଫଟୋ ପ୍ରଶଂସକଙ୍କ ହୃଦୟ ଭାଙ୍ଗିଛି। ଫଟୋଗୁଡ଼ିକ ଅଭିଷେକଙ୍କର। ଆପଣ ଭାବୁଥିବେ ସେଥିରେ ଅସୁବିଧା କେଉଁଠି। ତେବେ ଫଟୋରେ ତାଙ୍କ ହାତରେ ନିର୍ବନ୍ଧ ମୁଦି ନଜର ଆସୁନାହିଁ। ବିବାହ ଦିନଠାରୁ ନିଜ ହାତରୁ ମୁଦିକୁ ସେ ବାହାର କରି ନ ଥିବା ବେଳେ ଏବେ କାହିଁକି ସେ ଏଭଳି କରିଛନ୍ତି ତାହାକୁ ନେଇ କଳ୍ପନାଜଳ୍ପନା
ଆରମ୍ଭ ହୋଇଛି। ଅନେକ ଐଶ୍ୱର୍ଯ୍ୟାଙ୍କ ସହ ତାଙ୍କ ସମ୍ପର୍କରେ ତିକ୍ତତା ଆସିଥିବା କଥା କହୁଛନ୍ତି।
ଅଭିଷେକଙ୍କ ଫଟୋଗୁଡ଼ିକ ଏକ କାର୍ଯ୍ୟକ୍ରମର। ସେଥିରେ ସେ ଷ୍ଟେଜ୍ ଉପରେ ବସି କଥା ହେଉଥିବା ଦେଖାଯାଉଛି। ହେଲେ ସବୁ ଫଟୋରେ ତାଙ୍କ ହାତରେ ବିବାହର ମୁଦି ନଜର ଆସୁନାହିଁ। ଏଣୁ ପ୍ରଶଂସକ ଚିନ୍ତାରେ ପଡ଼ିଛନ୍ତି। ହେଲେ ଏଯାଏ ଉଭୟ କିଛି ବି ମୁହଁ ଖୋଲି କହି ନାହାନ୍ତି।