କୋଲକତା,୨୩।୮:ପଶ୍ଚିମବଙ୍ଗର ମୁଖ୍ୟମନ୍ତ୍ରୀ ମମତା ବାନାର୍ଜୀଙ୍କ ଭଣଜା ତଥା ଟିଏମ୍ସି ଏମ୍ପି ଅଭିଷେକ ବାନାର୍ଜୀ ଅଡୁଆ ବଢିବାରେ ଲାଗିଛି। ଅଭିଷେକଙ୍କ କମ୍ପାନୀର ପରିସରରେ ବୁଧବାର ଚଢାଉ କରିଛି ଇଡି। ଚଢାଉ ପରେ କିଛି ଦଲିଲ ଜବତ କରାଯାଇଛି।
ପଶ୍ଚିମବଙ୍ଗର ଶିକ୍ଷକ ନିଯୁକ୍ତି ‘ସ୍କାମ’ରେ ଚାଲିଥିବା ଯାଞ୍ଚର ଏକ ଅଂଶ ଭାବରେ ଅଗଷ୍ଟ ୨୧-୨୨ରେ କମ୍ପାନୀ ‘ଲିପ୍ସ ଆଣ୍ଡ ବାଉଣ୍ଡସ ପିଭି ଲିମିଟେଡ’ର ତିନୋଟି ପରିସରରେ ସର୍ଚ୍ଚ କରାଯାଇଥିଲା। ଅନୁସନ୍ଧାନକାରୀ ସଂସ୍ଥା ଏକ ବିବୃତ୍ତିରେ କହିଛି ଯେଳ ଏହି ଘଟଣାରେ ଗିରଫ ଅଭିଯୁକ୍ତ ସୁଜୟ କୃଷ୍ଣ ଭଦ୍ରଙ୍କ ବିରୋଧରେ କାର୍ଯ୍ୟାନୁଷ୍ଠାନ ନିଆଯାଇଛି। ସେ କମ୍ପାନୀର ମୁଖ୍ୟ କାର୍ଯ୍ୟନିର୍ବାହୀ ଅଧିକାରୀ (ସିଓଓ) ଥିଲେ।
କୋଟି କୋଟି ଟଙ୍କାର ସନ୍ଦେହଜନକ କାରବାର ପାଇଁ କମ୍ପାନୀ ବ୍ୟବହାର କରାଯାଇଥିଲା ବୋଲି ଏଜେନ୍ସି ଅଭିଯୋଗ କରିଛି। ଇଡି କହିଛି ଯେ, ସର୍ଚ୍ଚ ଅପରେସନ ସମୟରେ ବିଭିନ୍ନ ଅପରାଧୀ ଦଲିଲ ଏବଂ ଡିଜିଟାଲ ପ୍ରମାଣ ଉଦ୍ଧାର କରାଯାଇ ଜବତ କରାଯାଇଛି।