ପୁଣି ଐଶର୍ଯ୍ୟାଙ୍କୁ ନେଇ ବଡ଼ ଖୁଲାସା କଲେ ଅଭିଷେକ, କହିଲେ ସେ ଫୋନରେ…

ମୁମ୍ବାଇ: ଅଭିଷେକ ବଚ୍ଚନ ଏବଂ ଐଶ୍ୱର୍ଯ୍ୟା ରାୟ ବଚ୍ଚନ ବଲିଉଡର ଚର୍ଚ୍ଚିତ କପଲଙ୍କ ମଧ୍ୟରୁ ଜଣେ। ଯଦିଓ ଗତବର୍ଷ ଏହି ଦମ୍ପତିଙ୍କ ମଧ୍ୟରେ ଛାଡପତ୍ରର ଗୁଜବ ଉଠିଥିଲା, କିନ୍ତୁ ଏହି ବର୍ଷ ଦୁଇଜଣ ସାର୍ବଜନୀନ ଭାବରେ ଏକାଠି ଦେଖାଯାଇ ସେମାନଙ୍କ ଅଲଗା ହେବାର ଗୁଜବକୁ ଖଣ୍ଡନ କରିଛନ୍ତି। ନିକଟରେ ଏକ ପୁରସ୍କାର କାର୍ଯ୍ୟକ୍ରମରେ ଅଭିଷେକ ପ୍ରକାଶ କରିଥିଲେ ଯେ ଐଶ୍ୱର୍ଯ୍ୟା ତାଙ୍କୁ ଫୋନ କଲେ ସେ ନର୍ଭସ ହୋଇଯାଆନ୍ତି।

ଅଭିଷେକ ବଚ୍ଚନ ନିକଟରେ ଏକ ପୁରସ୍କାର କାର୍ଯ୍ୟକ୍ରମରେ ଯୋଗ ଦେଇଥିଲେ। ଏହି ସମୟ ମଧ୍ୟରେ, ସେ ସୁଜିତ ସରକାରଙ୍କ “ଆଇ ୱାଣ୍ଟ ଟୁ ଟକ” ରେ ତାଙ୍କର ଅଭିନୟ ପାଇଁ ଶ୍ରେଷ୍ଠ ଅଭିନେତା (ଜୁରୀ) ପୁରସ୍କାର ଜିତିଥିଲେ। ଫିଲ୍ମରେ, ଅଭିଷେକ ଏକ ଅସାଧ୍ୟ ରୋଗ ସହିତ ଲଢ଼ୁଥିବା ଜଣେ ଭାବପ୍ରବଣ ପିତାଙ୍କ ଭୂମିକାକୁ ଚମତ୍କାର ଭାବରେ ପ୍ରଦର୍ଶନ କରିଥିଲେ। ଯେତେବେଳେ ଅଭିନେତା ତାଙ୍କ ଅଭିନୟ ପାଇଁ ପୁରସ୍କାର ଗ୍ରହଣ କରିବାକୁ ମଞ୍ଚକୁ ଆସିଲେ, ହୋଷ୍ଟ ଅର୍ଜୁନ କପୁର ତାଙ୍କୁ ପଚାରିଲେ, ଆପଣ କେଉଁ ବ୍ୟକ୍ତିଙ୍କୁ ଡରଲାଗେ ଯେତେବେଳେ ସେ କୁହନ୍ତି ମୁଁ କଥା ହେବାକୁ ଚାହୁଁଛି।

ଏହାର ମଜାଦାର ଉତ୍ତର ଦେଇ ଅଭିଷେକ କହିଥିଲେ, “ଯେତେବେଳେ ସ୍ତ୍ରୀ ଐଶର୍ଯ୍ୟା ଫୋନ କରି କୁହନ୍ତି ମୁଁ କଥା ହେବାକୁ ଚାହୁଁଛି, ସେତେବେଳେ ମୁଁ ଟେନଶନ ହୋଇଯାଏ’।

ସୂଚନାଥାଉ କି, ଅଭିଷେକ-ଐଶର୍ଯ୍ୟା ପରସ୍ପରର ପ୍ରଶଂସା କରିବାକୁ ଏବଂ କୃତଜ୍ଞତା ପ୍ରକାଶ କରିବାକୁ କେବେ ପଛଘୁଞ୍ଚା ଦିଅନ୍ତି ନାହିଁ। କିନ୍ତୁ, ଗତ କିଛି ବର୍ଷ ଧରି, ସେମାନଙ୍କୁ ଏକାଠି ଦେଖାଯାଇନାହିଁ ଏବଂ ପରସ୍ପର ବିଷୟରେ ଅଧିକ କଥା ହୋଇନାହାନ୍ତି। ଯାହା ଫଳରେ ୧୭ ବର୍ଷର ବିବାହ ପରେ ୨୦୨୪ ରେ ସେମାନଙ୍କ ଅଲଗା ହେବାର ଗୁଜବ ଉଠିଛି। କିନ୍ତୁ ପରେ ସେମାନେ ଦମ୍ପତି ଭାବରେ ଅନେକ କାର୍ଯ୍ୟକ୍ରମରେ ଯୋଗ ଦେଇ ସମସ୍ତ ଗୁଜବକୁ ଖଣ୍ଡନ କରିଛନ୍ତି।