ମୁମ୍ବାଇ: ଅଭିଷେକ ବଚ୍ଚନ ଏବଂ ଐଶ୍ୱର୍ଯ୍ୟା ରାୟଙ୍କ ସମ୍ପର୍କରେ ଫାଟ ସୃଷ୍ଟି ହୋଇଥିବା ଖବର ଫିଲ୍ମ ଇଣ୍ଡଷ୍ଟ୍ରିରେ ଆଲୋଡ଼ନ ସୃଷ୍ଟି କରିଛି। ତେବେ ଏହି ଫାଟ ପଛରେ ନିମ୍ରତ କୌରଙ୍କୁ ଦାୟୀ କରାଯାଉଛି। ତେବେ ଏହି ଛାଡପତ୍ର ଏବଂ ଆଫେୟାର ଖବର ମଧ୍ୟରେ ଅଭିଷେକ ବଚ୍ଚନ ନିକଟରେ ତାଙ୍କର ଆଗାମୀ ଫିଲ୍ମ ‘ଆଇ ୱାଣ୍ଟ ଟୁ ଟକ’ ର ମ୍ୟୁଜିକ ଲଞ୍ଚକୁ ଆସିଥିଲେ। ଏହି ସମୟରେ ସେ ଛାଡପତ୍ର ଗୁଜବକୁ ନେଇ ମୁହଁ ଖୋଲିଛନ୍ତି। ସେ କହିଛନ୍ତି, ମୋତେ ଏହି ସମ୍ପର୍କର ଫାଟ ଖବର ସହ ଯୋଡିବାକୁ ଚେଷ୍ଟା କରାଯାଉଛି।
କାର୍ଯ୍ୟକ୍ରମରେ ଅଭିଷେକ ଟିକେ ବିଳମ୍ବରେ ପହଞ୍ଚିଥିଲେ। ଏଥିପାଇଁ ସେ କ୍ଷମା ମାଗିଥିଲେ। ଏହା ପରେ ସେ କହିଥିଲେ, ‘ମୁଁ ଆଶା କରେ ଆପଣ ସମସ୍ତେ ଜୀବନରେ କିଛି ରିଲେଟ କରିବାକୁ ସମର୍ଥ ହେବେ। ଆମେ ସମସ୍ତେ ଜୀବନର ଦ୍ୱନ୍ଦ୍ୱରେ ଫସି ରହିଛୁ । ଆମେ ଯାହା ଚାହୁଁଛୁ ତାହା କରୁଛୁ ।
ସେ ଆହୁରି ମଧ୍ୟ କହିଛନ୍ତି, ଜଣେ ଅଭିନେତା ଭାବରେ ଏହା ଆପଣଙ୍କୁ ଆଶ୍ୱାସନା ଦେଇଥାଏ ଯେ ସମସ୍ତଙ୍କ ପାଇଁ ଟିକିଏ ସ୍ଥାନ ଅଛି। ମୁଁ ଆଶା କରେ ଆପଣ ସମସ୍ତେ ଏହି ଫିଲ୍ମରେ ଆପଣଙ୍କ ଜୀବନରେ କିଛି ସାମଞ୍ଜସ୍ୟ ପାଇପାରିବେ । ଆମେ ସମସ୍ତେ ଜୀବନରେ ଦୌଡି ଦୌଡି ଅଟକି ଯାଇଛୁ, ଆମେ ଯାହା କରୁଛୁ ତାହା ଉପଭୋଗ କରୁଛୁ। କିନ୍ତୁ ଯଦି ଆମେ ଏପରି ଭାବିବା ଯେ, ମୁଁ କିଛି ଅଲଗା କରିପାରେ, ବୋଧହୁଏ ମୁଁ କିଛି ଅଲଗା ଚେଷ୍ଟା କରିବି।