ମୁମ୍ବାଇ, ୯।୪ : ଆଇପିଏଲ୍ ସିଜିନ୍ର ୧୫ ତମ ସଂସ୍କରଣରେ ୧୭ତମ ମ୍ୟାଚ୍ରେ ଶନିବାର ଚେନ୍ନାଇ ସୁପର କିଙ୍ଗ୍ସ (ସିଏସ୍କେ)କୁ ସନରାଇଜର୍ସ ହାଇଦ୍ରାବାଦ୍(ଏସ୍ଆର୍ଏଚ୍) ୮ ଓ୍ବିକେଟରେ ପରାଜିତ କରିଛି। ବିଜୟ ପାଇଁ ୧୫୫ ରନ୍ର ଆବଶ୍ୟକତା ଥିବାବେଳେ ଦଳ ୨ ଓ୍ବିକେଟ ହରାଇ ୧୭.୪ ଓଭରରେ ଏହା ହାସଲ କରିଛି।
ଏସ୍ଆର୍ଏଚ୍ ପକ୍ଷରୁ ଅଭିଷେକ ଶର୍ମା ବିସ୍ଫୋରକ ବ୍ୟାଟିଂ କରି ୫୦ ବଲ୍ରେ ୭୫ ରନ୍ ସଂଗ୍ରହ କରିଥିଲେ। ରାହୁଲ ତ୍ରିପାଠି ୧୫ ବଲ୍ରୁ ୩୯ ରନ୍ ସଂଗ୍ରହ କରିଥିବାବେଳେ କେନ୍ ଓ୍ବିଲମସନ୍ ୪୦ ବଲ୍ରୁ ୩୨ ରନ୍ କରିଥିଲେ।
ମହାରାଷ୍ଟ୍ରର ନଭି ମୁମ୍ବାଇର ଡି.ଓ୍ବାଇ, ପାଟିଲ ସ୍ପୋର୍ଟସ୍ ଷ୍ଟାଡିୟମ୍ରେ ଖେଳାଯାଉଥିବା ଏହି ମ୍ୟାଚ୍ରେ ଏସ୍ଆର୍ଏଚ୍ ଅଧିନାୟକ କେନ୍ ଓ୍ବିଲିୟମସନ୍ ଟସ ଜିତି ବୋଲିଂ କରିବାକୁ ନିଷ୍ପତ୍ତି ନେଇଥିବାବେଳେ ସିଏସ୍କେ ଅଧିନାୟକ ରବିନ୍ଦ୍ର ଜାଡ଼େଜା ନେତୃତ୍ୱରେ ତାଙ୍କ ଦଳ ବ୍ୟାଟିଂ କରିବାକୁ ପଡ଼ିଆ ଓହ୍ଲାଇ ନିର୍ଦ୍ଧାରିତ ୨୦ ଓଭରରେ ୭ ଓ୍ବିକେଟ ହରାଇ ୧୫୪ ରନ୍ କରଥିଲେ।
ଏସ୍ଆର୍ଏଚ୍ ପାଇଁ ୧୫୫ ରନ୍ର ବିଜୟ ଲକ୍ଷ୍ୟ ରନ୍ ରହିଥିଲା। ସିଏସ୍କେ ପକ୍ଷରୁ ମୋଇନ୍ ଅଲି ୩୫ ବଲ୍ରେ ୪୮ ରନ୍ କରିଥିବାବେଳେ ଅମ୍ବାତି ରାୟଡୁ ୨୭ ବଲ୍ରେ ୨୭ ରନ୍ କରିଥିଲେ।