ଡର୍ବି, ୨୦ା୧ (ପି.ଟି.)-ଓପନିଂ ବ୍ୟାଟ୍ସମ୍ୟାନ ଆବିଦ ଅଲି ବୁଧବାର ଟ୍ରେନିଂକୁ ଫେରିବେ ବୋଲି ପାକିସ୍ତାନ କ୍ରିକେଟ ବୋର୍ଡ (ପିସିବି) ସୂଚନା ଦେଇଛି। ଏଠାରେ ରବିବାର ଇଣ୍ଟ୍ରା-ସ୍କ୍ବାଡ୍ ଓ୍ବାର୍ମଅପ୍ ମ୍ୟାଚର ତୃତୀୟ ଦିବସରେ ଫରଓ୍ବାର୍ଡ ଶର୍ଟ ଲେଗ୍ରେ ଫିଲ୍ଡ୍ଡି କରୁଥିବାବେଳେ ବଲ୍ ଆବିଦ୍ଙ୍କ ହେଲମେଟ୍ରେ ବାଜିଥିଲା। ସତର୍କତାମୂଳକ ପଦକ୍ଷେପ ସ୍ବରୂପ ତାଙ୍କର ସିଟି ସ୍କାନ କରାଯାଇଥିଲା। ତାଙ୍କ ମସ୍ତିଷ୍କ ସ୍ଥିତି ସ୍ବାଭାବିକ ଥିବା ଜଣାପଡ଼ିଥିଲା। ଆବିଦ୍ଙ୍କୁ ମ୍ୟାଚର ଅବଶିଷ୍ଟ ଭାଗ ଖେଳାଯାଇ ବିଶ୍ରାମ ପାଇଁ ପରାମର୍ଶ ଦିଆଯାଇଥିଲା। ବର୍ତ୍ତମାନ ସେ ଫିଟ୍ ଅନୁଭବ କରୁଛନ୍ତି। ବୁଧବାର ସେ ଟ୍ରେନିଂରେ ଯୋଗ ଦେବେ ବୋଲି ପାକିସ୍ତାନ ଟିମ୍ ଡାକ୍ତର ସୋହଲେ ସଲିମ ପ୍ରକାଶ କରିଛନ୍ତି। ଆସନ୍ତା ମାସରେ ଆରମ୍ଭ ହେବାକୁଥିବା ଇଂଲଣ୍ଡ ବିପକ୍ଷ ଟେଷ୍ଟ ସିରିଜ ପାଇଁ ନିଜକୁ ପ୍ରସ୍ତୁତ କରିବା ଲାଗି ପାକିସ୍ତାନ ୪ ଦିନିଆ ଇଣ୍ଟର-ସ୍କ୍ବାଡ୍ ମ୍ୟାଚ ଖେଳୁଛି। ଇଂଲଣ୍ଡରେ ପାକିସ୍ତାନ ତିନୋଟି ଟେଷ୍ଟ ବ୍ୟତୀତ ସମାନ ସଂଖ୍ୟକ ଅନ୍ତର୍ଜାତୀୟ ଟି୨୦ ମ୍ୟାଚ ଖେଳିବା କାର୍ଯ୍ୟକ୍ରମ ରହିଛି। ଅଗଷ୍ଟ ୫ରୁ ମାଞ୍ଚେଷ୍ଟରର ଓଲ୍ଡଟ୍ରାଫୋର୍ଡଠାରେ ପ୍ରଥମ ଟେଷ୍ଟ ମ୍ୟାଚ ଆରମ୍ଭ ହେବ।
