ନୂଆଦିଲ୍ଲୀ, ୨୯।୯ : ସୁପ୍ରିମକୋର୍ଟ ଦେଶର ସମସ୍ତ ମହିଳାଙ୍କୁ ଗର୍ଭପାତ ଅଧିକାର ପ୍ରଦାନ କରିଛନ୍ତି। ବିବାହିତ ଅବା ଅବିବାହିତ ମହିଳା ଗର୍ଭର ୨୪ ସପ୍ତାହ ମଧ୍ୟରେ ଗର୍ଭପାତ କରି ପାରିବେ। ଏହି ଐତିହାସିକ ରାୟରେ ସର୍ବୋଚ୍ଚ ଅଦାଲତ କହିଛନ୍ତି ଯେ ମେଡିକାଲ ଟର୍ମିନାଲ ଅଫ ଗର୍ଭଧାରଣ ଆଇନ ଅନୁଯାୟୀ ସମସ୍ତ ମହିଳାଙ୍କୁ ଆଇନ ଅନୁସାରେ ଗର୍ଭପାତ କରିବାର ଅଧିକାର ରହିଛି। ଏହି ଅଧିକାରରେ ମହିଳା ବିବାହିତ କି ଅବିବାହିତ ତାହା ଗୁରୁତ୍ୱପୂର୍ଣ୍ଣ ନୁହେଁ ।
ସୁପ୍ରିମକୋର୍ଟ କହିଛନ୍ତି ଯେ ଜଣେ ମହିଳାଙ୍କୁ ଚାହୁଁ ନଥିବା ଗର୍ଭଧାରଣରୁ ରୋକିବା ପାଇଁ ଏଭଳି କରାଯାଇ ପାରିବ। ଏପରି ସ୍ଥଳେ ମହିଳାଙ୍କ ବୈବାହିକ ସ୍ଥିତି ତାଙ୍କୁ ଏଭଳି ଗର୍ଭଧାରଣ ବନ୍ଦ କରିବାର ଅଧିକାରରୁ ବଞ୍ଚିତ କରିବା ପାଇଁ ଆଧାର ହୋଇପାରିବ ନାହିଁ।
