ଖଇରା,୧୨।୯(ଉତ୍କଳବନ୍ଧୁ ପଣ୍ଡା): ବାଲେଶ୍ୱର ଜିଲା ଖଇରା ବ୍ଲକ ମାଟିଆଳପଦା କଲେଜର ୩ ଛାତ୍ରୀଙ୍କୁ କମେଣ୍ଟ ମାରିବା ସହ ଦୁର୍ବ୍ୟହାର ଏବଂ ତାକୁ ବିରୋଧ କରୁଥିବା ଗ୍ରାମବାସୀଙ୍କ ସହ ଗଣ୍ଡଗୋଳ ଘଟାଇବା ଅଭିଯୋଗରେ ଖଇରା ପୋଲିସ ୮ଜଣଙ୍କୁ ସୋମବାର କୋର୍ଟ ଚାଲାଣ କରିଛି। ସେମାନଙ୍କ ନାମରେ ଏକ ମାମଲା(ନଂ.୨୮୩/୨୩) ରୁଜୁ ହୋଇଛି। ଅଭିଯୁକ୍ତମାନେ ହେଲେ ରାଣିତାଲ ଅଞ୍ଚଳର ବିକାଶ ଦାସ, ଜବଦଲପୁର ଗ୍ରାମର ରାକେଶ ଦାସ, ବାଉରିପଦା ଗ୍ରାମର ଇନ୍ଦ୍ରଜିତ ବାରିକ ଓ ଗୌରାଙ୍ଗ ଦାସ, ବଣା ଗ୍ରାମର କମଳାକାନ୍ତ ଦାସ, ଖଇରା ଥାନା ଟିପସଗଡିଆ ଗ୍ରାମର ସତ୍ୟଜିତ ଦାସ ଓ ସରୋଜ କୁମାର ଦାସ,ମଞ୍ଜୁରିପୁର ଗ୍ରାମର ସୌମ୍ୟରଞ୍ଜନ ସେନ। ଗତ ୮ତାରିଖରେ ମାଟିଆଳପଦା କମଳାର୍ଜୁନ କଲେଜର ୩ ଛାତ୍ରୀ ଘରକୁ ଫେରୁଥିବା ବେଳେ ଗିରଫ ଅଭିଯୁକ୍ତମାନେ କଲିହା ଛକ ନିକଟରେ ସେମାନଙ୍କୁ ଦୁର୍ବ୍ୟହାର କରିଥିବା ଅଭିଯୋଗ ହୋଇଥିଲା।