ବେଙ୍ଗାଲୁରୁ,୧୭।୬: କର୍ନାଟକର ଦୁର୍ନୀତି ନିବାରଣ ବ୍ୟୁରୋ(ଏସିବି) ଶୁକ୍ରବାର ୨୧ସରକାରୀ କର୍ମଚାରୀଙ୍କ ସମ୍ପତ୍ତି ମାମଲାରେ ୮୦ରୁ ଅଧିକ ସ୍ଥାନରେ ଚଢ଼ାଉ କରିଛି। ରାଜ୍ୟର ବିଭିନ୍ନ ସ୍ଥାନରେ ଏକକାଳୀନ ଏହି ଚଢ଼ାଉ କରାଯାଇଥିଲା। ଏହି ଚଢ଼ାଉ ବେଳେ ଶିବଲିଙ୍ଗାଇଙ୍କ ଘରୁ ୩ଟି ଘର, ବେଙ୍ଗାଲୁରୁରେ ୫ଟି, ଚନପାଟନା ଏବଂ ମହିସୁରରେ କୋଟି କୋଟି ଟଙ୍କାର ଜମିର ପ୍ରମାଣ ମିଳିବା ପରେ ଏସିବି ଅଧିକାରୀମାନେ ଆଶ୍ଚର୍ଯ୍ୟ ହୋଇଯାଇଥିଲେ। ସେହିପରି ଆଇଜିଆର କାର୍ଯ୍ୟାଳୟର ଜିଲା ରେଜିଷ୍ଟ୍ରାର ମଧୁସୂଦନଙ୍କ ଭି.କେ ବେଙ୍ଗାଲୁରୁର ୨ଟି ଘର ଏବଂ ଅନ୍ୟାନ୍ୟ ସ୍ଥାନରେ ଏସିବି ଅଧିକାରୀମାନେ ଚଢ଼ାଉ କରିଥିଲେ। ତାଙ୍କ ଘରୁ ୩୯ଲକ୍ଷ ନଗଦ ଟଙ୍କା ମିଳିଥିଲା। ଏଥିସହ ୨.୩ କିଲୋଗ୍ରାମ ସୁନା ଅଳଙ୍କାର ଏବଂ ୪.୯ କିଲୋଗ୍ରାମ ରୂପା ଅଳଙ୍କାର ମଧ୍ୟ ଜବତ କରାଯାଇଛି। ଏହି ୧୯ ଜଣ କର୍ମଚାରୀଙ୍କ ନିକଟରେ କୋଟି କୋଟି ଟଙ୍କା ମୂଲ୍ୟର ସମ୍ପତ୍ତି ଥିବା ଜଣାପଡ଼ିଛି। ଶୁକ୍ରବାର ସକାଳେ ଆରମ୍ଭ ହୋଇଥିବା ଏହି ଚଢ଼ାଉରେ ଦୁର୍ନୀତି ନିବାରଣ ବ୍ୟୁରୋର ମୋଟ ୫୫୫ ଅଧିକାରୀ ଏବଂ କର୍ମଚାରୀ ସାମିଲ ଅଛନ୍ତି ଏବଂ ଏହି ଚଢ଼ାଉ ଏବେ ବି ଜାରି ରହିଛି।
