ଥିରୁଭାନନ୍ତପୁରମ,୧୯।୧୨: କରୋନା ମାମଲା କେରଳରେ ପୁଣି ଥରେ ବୃଦ୍ଧି ପାଇଛି। ସୋମବାର ସୁଦ୍ଧା ଗୋଟିଏ ଦିନରେ ୧୧୧ ନୂଆ କରୋନା ସଂକ୍ରମିତଙ୍କୁ ଚିହ୍ନଟ କରାଯାଇଛି। କେନ୍ଦ୍ର ସ୍ବାସ୍ଥ୍ୟ ମନ୍ତ୍ରଣାଳୟ ଅନୁଯାୟୀ, ରାଜ୍ୟରେ ହସ୍ପିଟାଲରେ ଚିକିତ୍ସା ହେଉ ନ ଥିବା ରୋଗୀଙ୍କ ସଂଖ୍ୟା୧,୬୩୪ କୁ ବୃଦ୍ଧି ପାଇଛି।
ଏହା ବ୍ୟତୀତ, ଜଣେ ବ୍ୟକ୍ତିଙ୍କର କେରଳରେ କରୋନା କାରଣରୁ ମୃତ୍ୟୁ ହୋଇଛି। ଏହା ସହିତ, ରାଜ୍ୟର ମୃତ୍ୟୁ ସଂଖ୍ୟା ଗତ ତିନି ବର୍ଷରେ ୭୨ ହଜାର ୫୩କୁ ବୃଦ୍ଧି ପାଇଲା । ଏହି ସମୟରେ, ମଧ୍ୟ ସରକାର ଭୟଭୀତ ନ ହୋଇ ସତର୍କ ରହିବାକୁ ପରାମର୍ଶ ଦେଇଛନ୍ତି।
କେନ୍ଦ୍ର ସରକାର ରାଜ୍ୟରେ ଓ କେନ୍ଦ୍ର ଶାସିତ ଅଞ୍ଚଳରେ କରୋନା ସଂକ୍ରମଣ ବୃଦ୍ଧିକୁ ଦେଖି ଓ ନୂଆ ଭାରିଏଣ୍ଟ ଜେଏନ-୧ର ପ୍ରଥମ ସଂକ୍ରମଣକୁ ଦେଖି ସତର୍କ ରହିବାକୁ କହିଛନ୍ତି। କେନ୍ଦ୍ରୀୟ ସ୍ବାସ୍ଥ୍ୟ ସଚିବ ସୁଧାଂଶ ପନ୍ତ ରାଜ୍ୟ ଓ କେନ୍ଦ୍ର ଶାସିତ ଅଞ୍ଚଳକୁ ଲେଖିଥିବା ଏକ ପତ୍ରରେ କହିଛନ୍ତି, କେନ୍ଦ୍ର ଓ ରାଜ୍ୟ ସରକାରଙ୍କ ମଧ୍ୟରେ ଲଗାତାର ସହଯୋଗାତ୍ମକ କାର୍ଯ୍ୟ ଯୋଗୁ ଆମେ କୋଭିଡ ସଂକ୍ରମଣକୁ କମ କରିବାରେ ସକ୍ଷମ ହୋଇଛୁ।
ସେ କହିଥିଲେ, କୋଭିଡ-୧୯ ଭାଇରସର ପ୍ରକୋପ ଜାରି ରହିଛି। ତେଣୁ, ଜନସ୍ବାସ୍ଥ୍ୟ ଚ୍ୟାଲେଞ୍ଜ ସହିତ ମୁକାବିଲା କରିବା ପାଇଁ ସତର୍କ ରହିବା ଜରୁରୀ।
