ବଲାଙ୍ଗୀର ଅଫିସ,୧୧।୧୦: ବାଇକ୍କୁ ଧକ୍କା ଦେଲା ହାଇଓ୍ବା ଆଖିବୁଜିଲେ ସ୍ବାମୀ-ସ୍ତ୍ରୀ। ମଙ୍ଗଳବାର ଏପରି ଏକ ଦୁଃଖଦ ଘଟଣା ଘଟିଛି ବଲାଙ୍ଗୀର-ଟିଟିଲାଗଡ ରାସ୍ତାର ସିଂହଖମନ ଛକଠାରେ । ବାଇକରେ ବଲାଙ୍ଗୀରରୁ କଳାହାଣ୍ଡି ଯାଉଥିବା ସମୟରେ ହାଇୱା ଧକ୍କା ଦେଇଥିଲା । ଘଟଣାସ୍ଥଳରେ ସ୍ତ୍ରୀ ପ୍ରତିମା ସାହୁଙ୍କ ମୃତ୍ୟୁ ହୋଇଥିବା ବେଳେ, ଭୀମଭୋଇ ମେଡିକାଲ କଲେଜ ହସ୍ପିଟାଲରେ ସ୍ବାମୀ ପ୍ରେମାନନ୍ଦ ସାହୁଙ୍କ ମୃତ୍ୟୁ ଘଟିଛି । ଦଶହରାରେ ଭାଇ ଜିଉଁନ୍ତିଆ ଓଷା କରିବା ପାଇଁ ବଲାଙ୍ଗୀର ରାମେଶ୍ୱର ନଗର ପଡାରେ ରହୁଥିବା ନିଜ ଭାଇ ଘରକୁ ଆସିଥିଲେ । ମଙ୍ଗଳବାର ସ୍ତ୍ରୀଙ୍କୁ ଧରି ନିଜ ଗାଁ କଳାହାଣ୍ଡି ଜିଲା ଜରାଡୁଗୁରାକୁ ଯାଉଥିଲେ ପ୍ରେମାନନ୍ଦ । ଅଧା ବାଟରେ ଜଗି ବସିଥିଲା ମୃତ୍ୟୁ। ସିଂହଖମନ ଛକ ଠାରେ ଦ୍ରୁତ ଗତିରେ ଆସୁଥିବା ହାଇୱା ଧକ୍କାରେ ସ୍ବାମୀ,ସ୍ତ୍ରୀଙ୍କ ଜୀବନ ଚାଲିଯାଇଛି। ଦୁର୍ଘଟଣା ଘଟାଇଥିବା ଡ୍ରାଇଭର ଥାନାରେ ଆତ୍ମ ସମର୍ପଣ କରିଛି । ପୋଲିସ ମାମଲା ରୁଜୁ କରି ତଦନ୍ତ ଚଳାଇଛି।