ଯାଜପୁର ରୋଡ଼,୮।୧(ଡି.ଏନ୍.ଏ.): ଯାଜପୁର ରୋଡ଼ରୁ କଟକ ଯିବା ରାସ୍ତାରେ ପାଣିକୋଇଲି ନିକଟରେ ଶୁକ୍ରବାର ରାତିରେ ସଡ଼କ ଦୁର୍ଘଟଣା ଘଟିଛି। ଏଥିରେ ୨ ଜଣଙ୍କ ମୃତ୍ୟୁ ଘଟିଥିବା ବେଳେ ଅନ୍ୟ ୨ ଜଣ ଗୁରୁତର ଅଛନ୍ତି। ଗୁରୁତରଙ୍କୁ ହସ୍ପିଟାଲରେ ଭର୍ତ୍ତି କରାଯାଇଛି। ମୃତକ ହେଲେ ଯାଜପୁର ରୋଡ଼ ଝାଟିଆ ସାହିର ଚନ୍ଦନ ମହାଳିକ (୨୨) ଓ କନ୍ତର ଗ୍ରାମର ଦେବାଶିଷ ନାୟକ (୨୪) । ପାଣିକୋଇଲି ଥାନା ଅଧିକାରୀ ପହଞ୍ଚି ଗାଡ଼ିକୁ ଜବତ କରିଛନ୍ତି। ୪ ଜଣ ସାଙ୍ଗ ଏକ କାର ଯୋଗେ ଯାଉଥିବା ବେଳେ ପାଣିକୋଇଲି ନିକଟରେ ଏକ ଅଜଣା ଗାଡି ତାଙ୍କ କାର୍କୁ ପିଟିଥିଲା।