ଲକ୍ଷ୍ନୌ,୨୩ ।୧୦: ଇଟାୱା ଜିଲାର ସୈଫଇ ସ୍ଥିତ ଆଗ୍ରା-ଲକ୍ଷ୍ନୌ ଏକ୍ସପ୍ରେସ ୱେର ଚ୍ୟାନେଲ ନମ୍ବର ୧୦୩ ନିକଟରେ ଦ୍ରୁତ ଗତିରେ ଯାଉଥିବା ଡବଳ ବସ ଆଗରେ ଯାଉଥିବା ଏକ କଣ୍ଟେନରକୁ ଧକ୍କା ଦେବା ଫଳରେ ଏକ ବଡ ଦୁର୍ଘଟଣା ଘଟିଛି । ଏଥିରେ ଘଟଣାସ୍ଥଳରେ ୪ ଜଣ ଯାତ୍ରୀଙ୍କ ମୃତ୍ୟୁ ହୋଇଥିବା ବେଳେ ୪୨ରୁ ଅଧିକ ଆହତ ହୋଇଥିବା ଜଣାପଡିଛି । ଆହତଙ୍କୁ ତୁରନ୍ତ ନିକଟସ୍ଥ ସୈଫଇ ମେଡିକାଲ କଲେଜରେ ଭର୍ତ୍ତି କରାଯାଇଛି । ଏହି ଦୁର୍ଘଟଣା ରାତି ପ୍ରାୟ ୨ଟାରେ ହୋଇଛି ।
ସୂଚନାଯୋଗ୍ୟ, ଏକ ଘରୋଇ ବସ ଗୋରଖପୁରରୁ ଅଜମେର ଯାଉଥିବା ବେଳେ ଏହି ଦୁର୍ଘଟଣା ହୋଇଛି । ଦୁର୍ଘଟଣା ସମ୍ପର୍କରେ ସୂଚନା ମିଳିବା ପରେ ସୈଫଇ ଇନ୍ସପେକ୍ଟର ରମେଶ ସିଂ କିଛି ସମୟ ମଧ୍ୟରେ ଘଟଣାସ୍ଥଳରେ ପହଞ୍ଚିଥିଲେ ଓ ଉଦ୍ଧାର କାର୍ଯ୍ୟ ଆରମ୍ଭ କରିଥିଲେ । ଏହାପରେ ପରେ ଡିଏମ, ଏସଏସପି ସମେତ ସମସ୍ତ ପୋଲିସ କର୍ମୀ ସେଠାରେ ପହଞ୍ଚିଥିଲେ । ମେଡିକାଲ କଲେଜ ୪ ଜଣଙ୍କୁ ମୃତ ଘୋଷଣା କରିଥିଲେ । ଦୁର୍ଘଟଣା ଏତେ ଭୟଙ୍କର ଥିଲା ଯେ ୩ଟି କ୍ରେନ୍ ସାହାଯ୍ୟରେ ଆହତଙ୍କୁ ବସ ଭିତରୁ ବାହାର କରାଯାଇଥିଲା । ବସଟି ଗୋରଖପୁରରୁ ଆଜମେର ଯାଉଥିବା ବେଳେ ସେଥିରେ ୬୦ ଜଣ ଯାତ୍ରୀ ଥିଲେ ।