ନବରଙ୍ଗପୁର ୨୧।୧୧(ସଦାଶିବ ପ୍ରହରାଜ): ନବରଙ୍ଗପୁର ଥାନା ଅଧୀନ ର୍ଟିଲି ଆମ୍ବଗୁଡା ଛକ ନିକଟରେ ଗୁରୁବାର ସକାଳେ ଓ ସନ୍ଧ୍ୟାରେ ୨ଟି ଦୁର୍ଘଟଣା ଘଟିଛି। ସନ୍ଧ୍ୟାରେ ଘଟିଥିବା ଦୁର୍ଘଟଣାରେ ଜଣେ ବ୍ୟକ୍ତିଙ୍କ ମୃତ୍ୟୁ ହୋଇଛି। ମୃତକ ହେଲେ କୋଷାଗୁମୁଡା ବ୍ଲକ କେ.ସେମଲା ପଞ୍ଚାୟତ କଣ୍ଟାସରୁଗୁଡା ଗ୍ରାମର ଦେବ ଭତ୍ରା।
ସୂଚନାନୁଯାୟୀ, ଦେବଙ୍କ ଝିଅ ନବରଙ୍ଗପୁର ବ୍ଲକ ବିକ୍ରମପୁର ସ୍କୁଲରେ ରହି ପଢ଼ନ୍ତି। ଗୁରୁବାର ସକାଳେ ଦେବ ଝିଅଙ୍କୁ ସ୍କୁଲରେ ଛାଡ଼ିବା ପାଇଁ ବିକ୍ରମପୁରକୁ ଆସିଥିଲେ। ସେ ଝିଅକୁ ସ୍କୁଲରେ ଛାଡିବା ପରେ ବେହେରାଗୁଡ଼ା ଗ୍ରାମରେ ରହୁଥିବା ଭଉଣୀ ଘରକୁ ଯାଇଥିଲେ। ସେଠାରୁ ଗାଁକୁ ଫେରିବାବେଳେ ସେ ଦୁର୍ଘଟଣାର ଶିକାର ହୋଇଥିଲେ। ତେବେ ଦୁର୍ଘଟଣା କିପରି ଘଟିଲା ତାହା ଜଣାପଡିନାହିଁ। ଘଟଣାସ୍ଥଳରେ ନବରଙ୍ଗପୁର ଥାନା ପୋଲିସ ପହଞ୍ଚତ୍ ତଦନ୍ତ ଆରମ୍ଭ କରିଛି।
ସେହିପରି ଗୁରୁବାର ସକାଳୁ ର୍ଟିଲି ଆମ୍ବଗୁଡା ଛକ ନିକଟରେ ଗୋଟିଏ ଗାଡି ଓ ବାଇକ୍ ଧକ୍କା ହୋଇଥିଲା। ଏଥିରେ ବାଇକ୍ରେ ଥିବା କୋଷାଗମୁଡ଼ା ବ୍ଲକ ଆଟିଗାଁ ଗ୍ରାମର କେଶବ ମାଳି ଓ କର୍ଣ୍ଣ ଭତ୍ରା ଗୁରୁତର ହୋଇଛନ୍ତି। ଆହତ ୨ ଜଣଙ୍କୁ ସ୍ଥାନୀୟ ଲୋକେ ଉଦ୍ଧାର କରି ନବରଙ୍ଗପୁର ଜିଲା ମୁଖ୍ୟ ଚିକିତ୍ସାଳୟରେ ଭର୍ତ୍ତି କରିଛନ୍ତି।