ପଟ୍ଟାଙ୍ଗି,୨୪।୧୦(ଶରତ ଧଳ)ଦୁଇ ମୋଟର ସାଇକେଲ ମଧ୍ୟରେ ମୁହାଁମୁହିଁ ଧକ୍କା ହେବା ଫଳରେ ଘଟଣା ସ୍ଥଳରେ ଜଣେ ମୃତ ହୋଇଥିବା ବେଳେ ଅନ୍ୟ ତିନି ଜଣ ଙ୍କୁ ପ୍ରାଥମିକ ଚିକିତ୍ସା ପରେ
ମେଡ଼ିକାଲ କଲେଜ କୁ ସ୍ଥାନାନ୍ତରିତ କରା ଯାଇଥିବା ଜଣାପଡିଛି । ଏହିପରି ଘଟଣା ଘଟିଛି କୋରାପୁଟ ଜିଲ୍ଲା ପଟ୍ଟାଙ୍ଗି ଥାନା ଅନ୍ତର୍ଗତ ହୃଷି ପାଣିଗ୍ରାହୀ ଫାର୍ମ ନିକଟସ୍ଥ ଯଥା ଜାତୀୟ ରାଜପଥ ଉପରେ । ସୂଚନା ମୁତାବକ ଦଶହରା ପର୍ବ ଉପଲକ୍ଷେ କୁନ୍ଦୁଲି ହାଟପଦା ରେ ହେଉଥିବା ଦଶମୀ ପୂଜା ଯଥା ଦଶହରା ପୂଜାର ଶେଷ ଦିନ ଉକ୍ତ ଅଞ୍ଚଳରେ ମହା ଆଡମ୍ବରରେ ପୂଜାର୍ଚ୍ଚନା ହେଉଥିବା ସହ ବିଭିନ୍ନ ସାଂସ୍କୃତିକ କାର୍ଯ୍ୟକ୍ରମ ଦେଖିବା ପାଇଁ ଶେମିଳିଗୁଡା ବ୍ଲକ ର ଉପରକାଣ୍ଟି ପଞ୍ଚାୟତ ର ବଡମଞ୍ଜରୀ ଗ୍ରାମର ମୋହନ ଖିଲ ଙ୍କ ଘଟଣା ସ୍ଥଳେ ମୃତ ହୋଇଥିବା ବେଳେ ଅନ୍ୟ ତିନି ଜଣ ଯଥା ସ୍ଥାନୀୟ ଥାନା ଅଧିନସ୍ଥ ରାଲେଗଡା ପଞ୍ଚାୟତ ର ପୁଟାପାଡୁ ଗ୍ରାମର ଦୁଇ ଯୁବକ ଯଥା ଚପାଡି ଆପାରାଓ ଏବଂ ଜାନି ସୋମନାଥ ଙ୍କ ସମେତ ବୁଡାମାଉଡି ଗ୍ରାମର ଇଲୋ ତାଡିଙ୍ଗି ପ୍ରମୁଖ ତିନି ଯୁବକ ଗୁରୁତର ଆହତ ହୋଇ ପ୍ରଥମେ ପଟ୍ଟାଙ୍ଗି ସୱାସ୍ଥ୍ୟ କେନ୍ଦ୍ର ରେ ପ୍ରାଥମିକ ଚିକିତ୍ସା ପରେ କୋରାପୁଟ ମେଡ଼ିକାଲ କଲେଜ କୁ ସ୍ଥାନାନ୍ତରିତ କରା ଯାଇଥିବା ସ୍ଥାନୀୟ ସୱାସ୍ଥ୍ୟ କେନ୍ଦ୍ର ର ସୂଚନା କ୍ରମେ ଜଣାପଡ଼ିଛି । ଖବର ପାଇଁ ଥାନାଧିକାରୀ ଚତ୍ରୁଭୁଜ ନାୟକ ଙ୍କ ନିର୍ଦ୍ଦେଶ କ୍ରମେ ଘଟଣା ସ୍ଥଳେ ଏସ ଆଇ ପରିଡ଼ା ଓ ଏ ଏସ ଆଇ ଦୋରା ପହଞ୍ଚି ମୃତ ଦେହ ଜବତ କରି ସ୍ଥାନୀୟ ସୱାସ୍ଥ୍ୟ କେନ୍ଦ୍ର କୁ ଶବ ବ୍ୟବଚ୍ଛେଦ ନିମନ୍ତେ ପଠାଇ ତଦନ୍ତ ଆରମ୍ଭ କରିଛନ୍ତି । ଏଠାରେ ସୂଚନା ଥାଉକି ଦୁର୍ଘଟଣା ରେ ମୃତ ଯୁବକ ଏବଂ ଅନ୍ୟ ଆହତ ଯୁବକ ମାନଙ୍କ ବୟସ ୧୮ ବର୍ଷ ରୁ କମ ହୋଇ ଥିବା ବେଳେ ମୋଟର
ସାଇକେଲ ନଂ AP39 MF 7962 ଓ ଅନ୍ୟ ଏକ ମୋଟର ସାଇକେଲ ନଂ OD10G 7510 ମଧ୍ୟରେ ମୁହାଁମୁହିଁ ଧକ୍କା ହୋଇଥିବା ବେଳେ ବିଳମ୍ବିତ ରାତି ତଥା ଦୁର୍ଘଟଣା ସ୍ଥଳଟି ଅନ୍ଦାର ହୋଇ ଥିବାରୁ ମୃତ ଯୁବକ କେଉଁ ମୋଟର ସାଇକେଲ ର ଜଣାପଡିନାହିଁ ।