ନୂଆଦିଲ୍ଲୀ,୨୪।୭: ଆଜିକାଲି ବ୍ୟାଙ୍କ ନଚେତ ଏଟିଏମ୍ରେ ଟଙ୍କା ନେଣଦେଣ ସାଧାରଣ କଥା ପାଲଟିଲାଣି। ହେଲେ ବେଳେବେଳେ ଆମେ ଭୁଲବଶତଃ ନିଜ ଆକାଉଣ୍ଟ ବଦଳରେ ଅନ୍ୟ ଆକାଉଣ୍ଟରେ ଟଙ୍କା ଡିପୋଜିଟ୍ କରିଦେଇଥାଉ। ଅନ୍ଲାଇନ୍ ଏବଂ ଅଫ୍ଲାଇନ୍ ଟ୍ରାଞ୍ଜାକ୍ସନରେ ଏଭଳି ଅସୁବିଧା ଦେଖିବାକୁ ମିଳିଥାଏ। ଲୋକମାନେ ପଇସା ପଠାଇବାର କିଛି ସମୟ ପରେ ତାହା ଜାଣି ପାରନ୍ତି। ଏଭଳି ସ୍ଥିତିରେ କ’ଣ କରିବେ/ନ କରିବେ ଅନେକେ ଜାଣି ନ ଥାନ୍ତି। ସେହି ବିଷୟରେ ଜାଣି ରଖନ୍ତୁ।
ଆପଣଙ୍କ ସହ ଏଭଳି କିଛି ଘଟିଲେ ପ୍ରଥମେ ନିକଟସ୍ଥ ବ୍ୟାଙ୍କର ବ୍ରାଞ୍ଚରେ ଯାଇ ଏହାର ସୂଚନା ଦିଅନ୍ତୁ। ଫଳରେ ବ୍ୟାଙ୍କ ଆପଣଙ୍କର ନେଣଦେଣକୁ ଯାଞ୍ଚ କରିବ। ଭୁଲ ବସତଃ ଟଙ୍କା ପଠାଇଥିବା ଉକ୍ତ ଆକାଉଣ୍ଟ ନମ୍ବର ବିଷୟରେ ଆପଣଙ୍କୁ ପ୍ରଶ୍ନ କରିବ। ଏହାପରେ ବ୍ୟାଙ୍କ ପକ୍ଷରୁ ଟଙ୍କା ପାଇଥିବା ଉକ୍ତ ବ୍ୟକ୍ତିଙ୍କ ସହ ସମ୍ପର୍କ କରାଯିବ। ଏହାପରେ ଉକ୍ତ ବ୍ୟକ୍ତିଙ୍କ ଆକାଉଣ୍ଟରୁ ଡିପୋଜିଟ୍ ହୋଇଥିବା ଟଙ୍କା କାଟି ଦିଆଯିବ। ପରେ ଆପଣଙ୍କ ଖାତା ସମାନ ବ୍ୟାଙ୍କର ଥାଏ ତେବେ ଶୀଘ୍ର ଆପଣଙ୍କୁ ଟଙ୍କା ଫେରସ୍ତ ମିଳିଯିବ। ନଚେତ ଯଦି ଦୁଇଟି ବ୍ୟାଙ୍କ ଭିନ୍ନ ଭିନ୍ନ ଥାଏ ତେବେ ଅନ୍ୟ ବ୍ୟାଙ୍କରୁ ଟଙ୍କା ମିଳିବାକୁ ସମୟ ଲାଗିବ।
ହେଲେ କିଛି ବ୍ୟକ୍ତି ଟଙ୍କା ଫେରସ୍ଥ ପାଇଁ ଅମଙ୍ଗ ହୁଅନ୍ତି। ଏପରିସ୍ଥଳେ ଗ୍ରାହକ କୋର୍ଟରେ ମାମଲା କରିପାରନ୍ତି।