ହେମଗିର,୨।୫(ଡି.ଏନ୍.ଏ.): ଚୋରଙ୍କ ପାଇଁ ଦୁର୍ଘଟଣା । ଦୁର୍ଘଟଣାରେ ଜଣେ ଚୋର ସମେତ ୩ ଜଣଙ୍କର ମୃତ୍ୟୁ ଘଟିଛି। ମୃତ ଅନ୍ୟ ଦୁଇ ଜଣ ରାସ୍ତା ନିର୍ମମାଣକାରୀ ଠିକା ସଂସ୍ଥାର ଦୁଇ କର୍ମଚାରୀ ।
ସୂଚନାଯୋଗ୍ୟ, ହେମଗିରି ଥାନା ବାଙ୍କିବାହାଲ – ଟପରିଆ ରାସ୍ତାର ବିଲେଇମୁଣ୍ଡା ନିକଟ ଛତାବର ନିକଟରେ ଏକ ବୋଲେରୋ ଦୁର୍ଘଟଣାଗ୍ରସ୍ତ ହୋଇ ପଡ଼ିଥିଲା। ଶନିବାର ରାତିରେ ସେଥିରୁ ଟାୟାର ଓ ଅନ୍ୟାନ୍ୟ ଯନ୍ତ୍ରାଂଶ ଚୋରି କରିବା ଉଦ୍ଦେଶ୍ୟରେ ୩ ଜଣ ଚୋର ସେଠାକୁ ଯାଇଥିଲେ । କିନ୍ତୁ ସେଠାରେ ରାସ୍ତା ନିର୍ମାଣକାରୀ ସଂସ୍ଥାର ସିକ୍ୟୁରିଟି ଗାର୍ଡ ଦେଖି ଚୋରଙ୍କୁ ବାରଣ କରିଥିଲା । ଯାହାକୁ ନେଇ ଚୋର ଏବଂ ସଂସ୍ଥାର କର୍ମଚାରୀଙ୍କ ମଧ୍ୟରେ ଧସ୍ତାଧସ୍ତି ହୋଇଥିଲା। ଏହି ସମୟରେ ଚୋରମାନେ ଦୌଡ଼ି ପଳାଉଥିବା ବେଳେ ସଂସ୍ଥାର ସୁପରଭାଇଜର ଏବଂ ସିକ୍ୟୁରିଟି ଗାର୍ଡ ଚୋରଙ୍କୁ ଘଉଡାଇବା ବେଳେ ହଠାତ ସାମ୍ନାପଟରୁ ଏକ ଟ୍ରଲର ଆସି ତିନି ଜଣଙ୍କୁ ଧକ୍କା ଦେଇଥିଲା । ଯାହା ଫଳରେ ତିନି ଜଣଙ୍କର ଘଟଣସ୍ଥଳରେ ମୃତ୍ୟୁ ଘଟିଛି। ଧକ୍କା ଦେଲା ପରେ ଟ୍ରଲରଟି ଅଳ୍ପଦୂର ଯାଇ ଓଲଟି ପଡିଥିଲା ।
ସୂଚନା ପାଇ ପୋଲିସ ପହଞ୍ଚି ମୃତ ଦେହଗୁଡ଼ିକୁ ଉଦ୍ଧାର କରିବା ସହ ତଦନ୍ତ ଜାରି ରଖିଛି । ମୃତକମାନେ ଠିକା ସଂସ୍ଥାର କର୍ମଚାରୀ ବରଗଡ଼ ଜିଲା ଭେଡେନ ଥାନା ମହୁଲପାଲି ଗାଁର ମାନସ କୁମାର ରଥ , ସୁନ୍ଦରଗଡ଼ ଜିଲା ବିଶ୍ରା ଥାନା ଉଡୁସୁ ଗାଁର ପ୍ରିନ୍ସ ନାଏକ ଏବଂ ଚୋର ହେମଗିରି ଥାନା ବଲିଙ୍ଗା ଗାଁ ର ବୁଢ଼ା ଚିଟିକି ବୋଲି ଜଣା ପଡିଛି । ପୋଲିସ ଏକ ମାମଲା ରୁଜ୍ଜୁ କରି ତଦନ୍ତ ଜାରି ରଖିଛି ।