ଜୀବନସାଥୀ ନଚେତ ପ୍ରେମିକା ସଚ୍ଚୋଟ ହୁଅନ୍ତୁ, ତାଙ୍କୁ କୌଣସି କଥା ଲୁଚାନ୍ତୁ ନାହିଁ ବୋଲି ସମସ୍ତେ ଚାହାନ୍ତି। କାରଣ ସମ୍ପର୍କ ମଜଭୂତ କରିବା ଲାଗି ପ୍ରେମ ଯେତିକି ଜରୁରୀ ସେତିକି ସଚ୍ଚୋଟତା ଲୋଡ଼ା। ନଚେତ ଧୋକା ମିଳିବାଟା ସାର। ଜ୍ୟୋତିଷଶାସ୍ତ୍ର ଅନୁଯାୟୀ ଏଭଳି ୪ ରାଶି ରହିଛି, ଯେଉଁଥିରେ ଜନ୍ମିତ ଯୁବତୀ ବେଶ ସଚ୍ଚୋଟ ହୋଇଥାନ୍ତି। ଏମାନେ ନିଜ ସମ୍ପର୍କକୁ ବଞ୍ଚାଇ ରଖିବା ଲାଗି ବହୁତ ପରିଶ୍ରମ କରନ୍ତି। ଏମାନେ ନିଜ ସାଥୀଙ୍କୁ କେବେହେଲେ ମିଛ କୁହନ୍ତି ନାହିଁ। ଜାଣନ୍ତୁ…
-ବୃଷ ରାଶି: ଏହି ରାଶିର ଯୁବତୀମାନେ ସାଥୀଙ୍କ ବହୁତ ଯତ୍ନ ନେଇଥାନ୍ତି। ବୃଷ ରାଶିର ସ୍ବାମୀ ଶୁକ୍ର ଦେବ ହୋଇଥିବା ହେତୁ ସେମାନେ ରୋମାଣ୍ଟିକ ହୋଇଥାନ୍ତି। ଏମାନେ ନିଜର ସମ୍ପର୍କ ପ୍ରତି ସଚ୍ଚୋଟ ଥାନ୍ତି। ସର୍ବଦା ଏମାନେ ସତ୍ୟର ସାଥ ଦିଅନ୍ତି। ଯେକୌଣସି ପରିସ୍ଥିତିରେ ଏମାନେ ଜୀବନସାଥୀଙ୍କ କାନ୍ଧରେ କାନ୍ଧ ମିଶାଇ ଛିଡ଼ା ହୁଅନ୍ତି। ପରିବାରଲୋକଙ୍କୁ ଏମାନେ ବହୁତ ଭଲ ପାଆନ୍ତି। ଏମାନେ ଯେତିକି ସଚ୍ଚୋଟ ସେତିକି ସେମାନେ ଅନ୍ୟଠାରୁ ଆଶା କରିଥାନ୍ତି।
– ସିଂହ ରାଶି: ଏହି ରାଶିର ଯୁବତୀ ବେଶ ସଚ୍ଚୋଟ ଏବଂ ପରିଶ୍ରମୀ। ଏମାନଙ୍କୁ କୌଣସି ବି ସମ୍ପର୍କରେ ଲୋକଦେଖାଣିଆ ପସନ୍ଦ ନୁହେଁ। ଏଣୁ ଏମାନେ ଅନ୍ୟକୁ କଷ୍ଟ ଦେଇଦେଇଥାନ୍ତି। ସିଂହ ରାଶିର ସ୍ବାମୀ ସୂର୍ଯ୍ୟ। ଏହା ସେମାନଙ୍କୁ ବିଶେଷପ୍ରକାର ତେଜ ପ୍ରଦାନ କରିଥାଏ। ଏହି ରାଶିର ଯୁବତୀ ଆଦର୍ଶବାଦୀ ହୋଇଥାଏ ଏବଂ ନିଜ ସମ୍ପର୍କକୁ ପୁରା ସଚ୍ଚୋଟତା ସହ ନିର୍ବାହ କରିଥାନ୍ତି।
-ଧନୁ ରାଶି: ଏହି ରାଶିର ଯୁବତୀ ବହୁତ ଭାଗ୍ୟଶାଳୀ। ଏମାନେ ଭିଡ଼ ଭିତରୁ ମଧ୍ୟ ନିଜର ପରିଚୟ ସୃଷ୍ଟି କରିବାରେ ସଫଳ ହୋଇଥାନ୍ତି। ଏମାନେ ସଚ୍ଚୋଟ ହୋଇଥାନ୍ତି। ଏହି ରାଶିର ସ୍ବାମୀ ଗୁରୁ। ଏଥିଯୋଗୁ ଏହି ଯୁବତୀମାନେ ଆଧ୍ୟାତ୍ମିକ ହୋଇଥାନ୍ତି। ଏମାନେ ନିଜ ସାଥୀଙ୍କୁ କେବେ ହେଲେ ଧୋକା ଦିଅନ୍ତୁ ନାହିଁ।
-କନ୍ୟା ରାଶି: ଏହି ରାଶିର ଯୁବତୀ ବହୁତ ସଚ୍ଚୋଟ ହୋଇଥାନ୍ତି। ଏମାନେ ସର୍ବଦା ସତ୍ୟର ସହ ରହିଥାନ୍ତି। ଏମାନେ ଯାହା କରିବାକୁ ଥରେ ଚିନ୍ତା କରିଥାନ୍ତି ତାହା କରିଥାନ୍ତି। ବ୍ୟକ୍ତିତ୍ୱ ତାଙ୍କର ବହୁତ ଆକର୍ଷକ ହୋଇଥାଏ। ଏଣୁ ଯେକେହି ତାଙ୍କ ଆଡ଼କୁ ଆକର୍ଷିତ ହୋଇଥାନ୍ତି। ଜୀବନସାଥୀଙ୍କୁ ବ୍ୟବସାୟରେ ଏମାନେ ସାହାଯ୍ୟ କରିଥାନ୍ତି। ଏମାନେ ନିଜର ପ୍ରେମିକଙ୍କୁ କେବେହେଲେ ଧୋକା ଦିଅନ୍ତୁ ନାହିଁ। ଏମାନଙ୍କର ରାଶି ବୁଧ, ଯାହାକି ସେମାନଙ୍କୁ ବୁଦ୍ଧିମାନ କରିଥାଏ।