ଗଞ୍ଜାମ,୧୦ା୧୧(ଡି.ଏନ୍.ଏ.): ଗଞ୍ଜାମ ଥାନା ଆଇଆଇସି କହୁଛି କହି ଜଣେ ଟ୍ରେଡର୍ସମାଲିକଙ୍କଠାରୁ ଲକ୍ଷାଧିକ ଟଙ୍କାର ଲୁହାରଡ୍ ଠକେଇ ଘଟଣା ଚର୍ଚ୍ଚାର ବିଷୟ ପାଲଟିଛି l ଟ୍ରେଡର୍ସ ମାଲିକ ଆଇଆଇସିଙ୍କୁ ଟଙ୍କା ମାଗିବା ପରେ ଖୋଲିଛି ଠକେଇର ଗୁମର। ଆଇଆଇସି ଶୁଭେନ୍ଦୁ କୁମାର ସାହୁ ବ୍ୟବହାର ହୋଇଥିବା ଫୋନ୍ ନମ୍ବରକୁ ଟ୍ରାକ୍ କରିବା ପରେ ଠକେଇ କରିଥିବା ବ୍ୟକ୍ତି ଜଣକ ପୁରୀ ଜିଲା କୃଷ୍ଣପ୍ରସାଦଗଡ଼ର ବୋଲି ଜଣା ପଡ଼ିଥିଲା। ଥାନାଧିକାରୀ ଓ ଏସ୍ଆଇ ଅଜିତ କୁମାର ପରିଡ଼ା ଉକ୍ତ ଗ୍ରାମରେ ପହଞ୍ଚି ଅଭିଯୁକ୍ତଙ୍କୁ ଧରି ଥାନାରେ ଅଟକ ରଖିଛନ୍ତି l ଅଟକ ଅଭିଯୁକ୍ତ ଛତ୍ରପୁର ଅଞ୍ଚଳର ଜଣେ ଟ୍ରେଡର୍ସ ମାଲିକଙ୍କୁ ଗଞ୍ଜାମ ଆଇଆଇସି ଗାଡ଼ି ପଠାଇଛନ୍ତି ଲୁହାରଡ୍ ନେବା ପାଇଁ କହି ୩ ଲକ୍ଷ ଟଙ୍କାରୁ ଅଧିକ ଲୁହାରଡ୍ ନେଇ ଯାଇଥିଲେ l ପରେ ଉକ୍ତ ଲୁହାରଡ୍ ସେଠାରେ ବିକ୍ରି କରିଦେଇଥିବା ସ୍ବୀକାର କରିଛି ଅଭିଯୁକ୍ତ l ସମସ୍ତ ଲୁହାରଡ୍ ପୋଲିସ ଜବତ କରି ଅଧିକ ତଦନ୍ତ ଚାଲିଥିବା ଆଇଆଇସି ସୂଚନା ଦେଇଛନ୍ତି l