ପଲିଗ୍ରାଫ ଟେଷ୍ଟରେ ବର୍ବରତା ପୂର୍ବର କାହାଣୀ ବଖାଣିଲେ ଅଭିଯୁକ୍ତ ସଞ୍ଜୟ, ରାସ୍ତାରେ ଛିଡା ହୋଇଥିବା ମହିଳାଙ୍କ ସହ କରିଥିଲେ…

କୋଲକାତା,୨୬।୮: କୋଲକାତାର ଆର୍‌.ଜି କର ମେଡିକାଲ କଲେଜ ଏବଂ ହସ୍ପିଟାଲରେ ଜଣେ ଟ୍ରେନି ମହିଳା ଡାକ୍ତରଙ୍କୁ ବଳାତ୍କାର ଓ ହତ୍ୟା ମାମଲାରେ କ୍ରମାଗତ ଭାବେ ନୂଆ ଖୁଲାସା କରାଯାଉଛି। ଏହି ବର୍ବରତା ମାମଲାରେ ଅଭିଯୁକ୍ତ ସଞ୍ଜୟ ରୟ ଘଟଣାର ରାତିରେ କଣ କରିଥିଲେ ତାହା ପଲିଗ୍ରାଫ ଟେଷ୍ଟରେ କହିଛନ୍ତି।

ରିପୋର୍ଟ ଅନୁଯାୟୀ ସଞ୍ଜୟ ରୟ ପଲିଗ୍ରାଫ ଟେଷ୍ଟ ସମୟରେ ଏହି ଅପରାଧ ସ୍ବୀକାର କରିଛନ୍ତି। ଲାଏ ଡିଟେକ୍ଟର ଟେଷ୍ଟ ସମୟରେ ସଞ୍ଜୟ ସିବିଆଇକୁ ଯାହା କହିଥିଲେ ତାହା ଅତ୍ୟନ୍ତ ଆଶ୍ଚର୍ଯ୍ୟଜନକ। ସଞ୍ଜୟ କହିଛନ୍ତି, କୋଲକାତାର ଆର୍‌.ଜି କର ମେଡିକାଲ କଲେଜ ଏବଂ ହସ୍ପିଟାଲ ଘଟଣା ପୂର୍ବରୁ ସେ ଅନ୍ୟ ଜଣେ ମହିଳାଙ୍କୁ ଅସଦାଚରଣ କରିଥିଲେ।

ସଞ୍ଜୟ ସିବିଆଇକୁ କହିଛନ୍ତି , ଅପରାଧ କରିବା ପୂର୍ବରୁ ସେ ରେଡ ଲାଇଟ ଅଞ୍ଚଳକୁ ଯାଇଥିଲେ, ସେହି ସମୟରେ ତାଙ୍କ ସାଙ୍ଗ ମଧ୍ୟ ତାଙ୍କ ସହ ଥିଲେ। ତେବେ ସେ କହିଛନ୍ତି, ରେଡ ଲାଇଟ ଅଞ୍ଚଳରେ ପହଞ୍ଚିବା ପରେ ସେ କାହା ସହିତ ଶାରୀରିକ ସମ୍ପର୍କ ରଖିନଥିଲେ। ସେ ଆହୁରି କହିଛନ୍ତି, ଘଟଣା ରାତିରେ ସେ ତାଙ୍କ ସାଙ୍ଗ ସହିତ ମଦ୍ୟପାନ କରିଥିଲେ ଏବଂ ପରେ ଦୁହେଁ ରେଡ ଲାଇଟ ଅଞ୍ଚଳକୁ ଯାଇଥିଲେ। ପରେ ଦୁହେଁ ଦକ୍ଷିଣ କୋଲକାତାର ଅନ୍ୟ ଏକ ରେଡ ଲାଇଟଅଞ୍ଚଳକୁ ଯାଇ ରାସ୍ତାରେ ଜଣେ ମହିଳାଙ୍କୁ ଅସଦାଚରଣ କରିଥିଲେ।

ରିପୋର୍ଟ ଅନୁଯାୟୀ ସଞ୍ଜୟ ରୟ ଅଶ୍ଳୀଳତା ଭିଡିଓ ଦେଖିବାରେ ଅଭ୍ୟସ୍ତ ଥିଲେ ଏବଂ ଟେଷ୍ଟ ସମୟରେ ସେ ସିବିଆଇକୁ କିଛି ବିଭ୍ରାନ୍ତିକର ଉତ୍ତର ମଧ୍ୟ ଦେଇଥିଲେ। ଯେତେବେଳେ ତାଙ୍କ ଫୋନ ଖୋଜା ଯାଇଥିଲା, ସେଥିରେ ପର୍ଣ୍ଣ କ୍ଲିପ ଦେଖିବାକୁ ମିଳିଥିଲା।

ମହିଳା ଡାକ୍ତରଙ୍କ ଶରୀରରେ ୨୫ଟି ବାହ୍ୟ ଏବଂ ଆଭ୍ୟନ୍ତରୀଣ ଆଘାତ ଲାଗିଥିଲା। ମହିଳା ଡାକ୍ତରଙ୍କୁ ତଣ୍ଟି ଚିପି ହତ୍ୟା କରାଯାଇଥିବା କୁହାଯାଉଛି। ଆର୍‌.ଜି କର ମେଡିକାଲ କଲେଜର ପୂର୍ବତନ ପ୍ରିନ୍ସପାଲ ଡ. ସନ୍ଦୀପ ଘୋଷଙ୍କ ଭୂମିକା ଉପରେ ମଧ୍ୟ ସିବିଆଇ ଅନୁସନ୍ଧାନ କରୁଛି। କେବଳ ଗତ ସପ୍ତାହରେ ସୁପ୍ରିମକୋର୍ଟ ଏଫଆଇଆର ପଞ୍ଜିକରଣ ପାଇଁ ୧୨ ଘଣ୍ଟାରୁ ଅଧିକ ସମୟ କାହିଁକି ଲାଗିଲା ବୋଲି କୋଲକାତା ପୋଲିସକୁ ଏହି ପ୍ରସଙ୍ଗରେ ପଚାରିଥିଲେ।