ଫେସବୁକ୍ ହେଉଛି ଏକ ମାଧ୍ୟମ, ଯେଉଁଠାରେ ଲୋକମାନେ ନିଜ ଭାବନାକୁ ସାରା ବିଶ୍ୱରେ ବାଣ୍ଟିଥାନ୍ତି। ଏହା ଏପରି ଏକ ସୋସିଆଲ ମିଡିଆ ପ୍ଲାଟଫର୍ମ ଯେଉଁଠାରେ ଜଣେ ବ୍ୟକ୍ତି ଦୁନିଆର ଯେକୌଣସି କୋଣରେ ବସି ନିଜର ମତାମତ ଦେଇପାରିବ। ଲୋକଙ୍କ ମଧ୍ୟରେ ଫେସ୍ବୁକର ବ୍ୟବହାର ଯେତିକି ବୃଦ୍ଧି ପାଇଛି ଫେସ୍ବୁକ ମଧ୍ୟ ଏହାର ନିୟମକୁ କଡ଼ାକଡ଼ି କରିଛି। ଏହି ନିୟମଗୁଡିକ ଏତେ କଠୋର ଯେ, ୟୁଜରମାନଙ୍କର ସାମାନ୍ୟ ଅସାବଧାନତା ଯୋଗୁ କମ୍ପାନୀକୁ କ୍ଷତି ସହିବାକୁ ପଡ଼େ। ଏପରି ପରିସ୍ଥିତିରେ, ଯଦି ଆପଣ ଫେସବୁକ୍ର ନିୟମିତ ୟୁଜର ଅଟନ୍ତି, ତେବେ ବର୍ତ୍ତମାନ ସାବଧାନ ହେବାର ସମୟ ଆସିଛି। ଅନ୍ୟଥା ଏକ ଛୋଟ ଭୁଲ ଆପଣଙ୍କ ଆକାଉଣ୍ଟକ ବନ୍ଦ କରିଦେଇପାରେ ଫେସବୁକ୍। ଏମିତି ଏକ ମାମଲା ସାମ୍ନାକୁ ଆସିଛ, ଯେଉଁଠାରେ ଜଣେ ମହିଳାଙ୍କ ଛୋଟ ଭୁଲ ହେତୁ ତାଙ୍କୁ ଫେସ୍ବୁକ୍ ବ୍ଲକ କରି ଦିଆଯାଇଛି। କାରଣ ଜାଣିଲେ ହସିହସି ଗଡ଼ିବେ।
କ୍ଲେୟାର ଶାର୍ପ ନାମକ ଜଣେ ମହିଳା ନିଜ ଟୁଇଟର ଆକାଉଣ୍ଟରେ କହିଛନ୍ତି, ସେ ତାଙ୍କ ଫଟୋ ଫେସ୍ବୁକ୍ରେ ଶେୟାର କରିଛନ୍ତି। ଏହି ଫଟୋ ଉପରେ ମନ୍ତବ୍ୟ ଦେଇ ମହିଳା ନିଜକୁ ଆଳୁ ସହିତ ତୁଳନା କରିଥିଲେ। ଏହି ଫେସ୍ବୁକ୍ ପରେ ତାଙ୍କୁ ୧ ମାସ ପାଇଁ ବାରଣ କରାଯାଇଛି। କ୍ଲେୟାର ନିଜ ଫଟୋରେ ଆଳୁ ପରି ଦେଖାଯାଉଥିବା ବିଷୟରେ ଲେଖିଥିଲେ। ଫେସ୍ବୁକ ଅନୁମାନ କରିଥିଲା ଯେ ସେ କାହାକୁ ପରିହାସ କରୁଛନ୍ତି। ଏହା ପରେ ଆକାଉଣ୍ଟ ବ୍ଲକ କରିଥିଲା ଫେସ୍ବୁକ୍। ଏହା ପରେ କ୍ଲେୟାର ତାଙ୍କ ଟୁଇଟର ପେଜ୍ରେ ଫେସବୁକ୍ ଦେଇଥିବା ଉତ୍ତରର ସ୍କ୍ରିନଶଟ୍ ଶେୟାର କରିଛନ୍ତି।
କ୍ଲେୟାର ତାଙ୍କ ସ୍ପଷ୍ଟୀକରଣରେ ଫେସବୁକକୁ କହିଛନ୍ତି, ସେ କେବଳ ନିଜ ଫଟୋ ଉପରେ ମନ୍ତବ୍ୟ ଦେଇଛନ୍ତି। ବାସ୍ତବରେ ସେ ପିନ୍ଧିଥିବା ଡ୍ରେସ୍ରେ ସେ ଆଳୁ ପରି ଦେଖାଯାଉଥିଲେ। ଅନ୍ୟ କାହାକୁ ଏପରି କଥା କହି ନ ଥିଲେ ଯାହା କାହାକୁ ଆଘାତ ଦେବ।
ସୂଚନାଯୋଗ୍ୟ, ବର୍ତ୍ତମାନ ଫେସ୍ବୁକ୍ର ନୂତନ ନିୟମ ଏତେ କଠୋର ହୋଇଛି ଯେ, ଯଦି ତୁମର ପୋଷ୍ଟ କିମ୍ବା ମନ୍ତବ୍ୟ କାହାର ଭାବନାକୁ ଆଘାତ କରେ, ତେବେ ଆଇଡି ତୁରନ୍ତ ବ୍ଲକ କିମ୍ବା ନିଷିଦ୍ଧ ହେବ।