ନୂଆଦିଲ୍ଲୀ,୧୨।୩: ଦେଶର ପ୍ରମୁଖ ଟେଲିକମ୍ ସେବା ପ୍ରଦାନକାରୀ ସଂସ୍ଥା ଭାରତୀ ଏୟାରଟେଲ ବା ଏୟାରଟେଲ୍ ଏବଂ ଆଇଡିଇଏମ୍ଆଇଏ ଗ୍ରୁପର ସହଯୋଗୀ ସଂସ୍ଥା ଆଇଡିଇଏମ୍ଆଇଏ ସିକ୍ୟୁର ଟ୍ରାଞ୍ଜାକ୍ସନ ମଧ୍ୟରେ ଏକ ଦ୍ୱିପାକ୍ଷିକ ବୁଝାମଣା ନିକଟରେ ହୋଇଯାଇଛି। ଉକ୍ତ ବୁଝାମଣା ଅନୁଯାୟୀ ଉଭୟ କମ୍ପାନୀ ପରିବେଶ ଉପଯୋଗୀ ଏବଂ ଶୂନ୍ୟ ନିର୍ଗମନ (ନେଟ୍ ଜିରୋ) ଲକ୍ଷ୍ୟ ହାସଲ ପାଇଁ କାର୍ଯ୍ୟ କରିବେ। ବିଶେଷକରି କମ୍ପାନୀ ଭର୍ଜିନୀ ପ୍ଲାଷ୍ଟିକରୁ ନିର୍ମିତ ସିମ୍ କାର୍ଡକୁ ପୁନଃବ୍ୟବହୃତ ପ୍ଲାଷ୍ଟିକକୁ ବଦଳାଇଛି। ଏଥିପାଇଁ ଆଇଡିଇଏମଆଇଏ ସିକ୍ୟୁର ଟ୍ରାଞ୍ଜାକ୍ସନ ସହିତ କମ୍ପାନୀ ସହଭାଗୀ ହୋଇଛି। ଅପରପକ୍ଷରେ ରିସାଇକ୍ଲିଡ୍ ପ୍ଲାଷ୍ଟିକରୁ ନିର୍ମିତ ସିମ୍ କାର୍ଡ ବ୍ୟବହାର କରୁଥିବା ଏୟାରଟେଲ୍ ଭାରତୀୟ ଟେଲିକମ୍ ଇଣ୍ଡଷ୍ଟ୍ରିର ପ୍ରଥମ ଟେଲିକମ୍ କମ୍ପାନୀ ହୋଇଥିବାବେଳେ ଭର୍ଜିନୀ ପ୍ଲାଷ୍ଟିକ୍ ବଦଳରେ ବର୍ତ୍ତମାନ ରିସାଇକ୍ଲିଡ୍ ପ୍ଲାଷ୍ଟିକ୍ ସିମ୍ କାର୍ଡ ତିଆରିରେ ବ୍ୟବହୃତ ହେବ। ଫଳରେ ପ୍ଲାଷ୍ଟିକ ବ୍ୟବହାର ବର୍ଷକୁ ୧୬୫ଟନରୁ ଅଧିକ ହ୍ରାସ ପାଇବ। ଏପରିକି ୬୯୦ଟନରୁ ଅଧିକ ଅଙ୍ଗାରକାମ୍ଳ, ଡାଇଅକ୍ସାଇଡ୍ ନିର୍ଗମନ ମଧ୍ୟ ହ୍ରାସ ପାଇବ। ଭାରତୀ ଏୟାରଟେଲର ନିର୍ଦ୍ଦେଶକ (ଯୋଗାଣ ଶୃଙ୍ଖଳା)ପଙ୍କଜ ମିଗଲାନି କହିଛନ୍ତି, ଆମେ ଆଇଡିଇଏମଆଇଏ ସିକ୍ୟୁର ଟ୍ରାଞ୍ଜାକ୍ସନ ସହ ସହଭାଗିତା ଘୋଷଣା କରି ବେଶ୍ ଉତ୍ସାହିତ ଅଛୁ।