ଶ୍ରୀନଗର,୨୬ ।୬: ନିୟନ୍ତ୍ରଣ ରେଖାର ଆର ପଟରେ ପାକିସ୍ତାନ ଅଧିକୃତ କଶ୍ମୀର(ପିଓକେ)ରେ ହୋଇଥିବା ଭିନ୍ନ ଭିନ୍ନ ଲଞ୍ଚିଂ ପ୍ୟାଡରେ ପାଖାପାଖି ୧୫୦ ଆତଙ୍କବାଦୀ ଜମ୍ମୁ-କଶ୍ମୀରରେ ଅନୁପ୍ରବେଶ କରିବାକୁ ଜଗି ରହିଥିବା ଜଣାପଡିଛି । ଏହାସହ ୫୦୦-୭୦୦ ଆତଙ୍କବାଦୀ ୧୧ ପ୍ରଶିକ୍ଷଣ ଶିବରରେ ପ୍ରଶିକ୍ଷଣ ନେଉଛନ୍ତି । ଶନିବାର ସେନାର ଜଣେ ବରିଷ୍ଠ ଅଧିକାରୀ ଏହି ଦାବି କରିଛନ୍ତି । ସେ କହିଛନ୍ତି ସୁରକ୍ଷାବଳ ଆତଙ୍କବାଦୀମାନେ ଘାଟି ପାରିହୋଇ ଅନୁପ୍ରବେଶ କରୁଥିବା ଉଦ୍ୟମକୁ ସଫଳ ଭାବେ ପଣ୍ଡ କରିଦେଇଛନ୍ତି । ନିଜର ପରିଚୟ ଗୁପ୍ତ ରଖି ସେନାର ଅଧିକାରୀ କହିଛନ୍ତି, ଏଲଓସିର ଆର ପଟରେ ମନସେରା, କୋଟଲି ଓ ମୁଜଫରାବାଦ ସ୍ଥିତ ୧୧ ପ୍ରଶିକ୍ଷଣ ଶିବିରରେ ୫୦୦-୭୦୦ ଲୋକ ଆତଙ୍କବାଦର ପ୍ରଶିକ୍ଷଣ ନେଉଛନ୍ତି ।
ସୂଚନାଯୋଗ୍ୟ, ଚଳିତବର୍ଷ ଯେତେଥର ଆତଙ୍କବାଦୀମାନେ ଏଲଓସିରେ ଅନୁପ୍ରବେଶ କରିବାକୁ ଉଦ୍ୟମ କରିଛନ୍ତି ତାହା ବିଫଳ ହୋଇଛି । ଏବେ କିନ୍ତୁ ଆତଙ୍କବଦୀମାନେ ଅନୁପ୍ରବଶ କରିବାକୁ ନୂଆ ବାଟ ଉପରେ ଧ୍ୟାନ କେନ୍ଦ୍ରୀତ କରୁଥିବା ସେନା ଅଧିକାରୀ କହିଛନ୍ତି ।