କଟକ,୧୯।୧୨: ଦଳିତ ଯୁବକଙ୍କୁ ରାସ୍ତା ଉପରେ ପକାଇ ପିଠି ଉପରେ ଚପଲ ମାଡ଼ି ଚଢ଼ିଯିବା ଘଟଣାର ଫଟୋ ଭାଇରାଲ ପରେ ଥାନା ଅଧିକାରୀଙ୍କୁ ମହଙ୍ଗା ପଡିଛି। କାର୍ଯ୍ୟାନୁଷ୍ଠାନ ସ୍ବରୂପ ବୈଦେଶ୍ୱର ଥାନା ଅଧିକାରୀ ପ୍ରିୟଦର୍ଶନ ସେଠୀଙ୍କୁ ଏସ୍ପିଙ୍କ ଅଫିସକୁ ବଦଳି କରାଯାଇଛି।
ସୂଚନାଯୋଗ୍ୟ, ବାଙ୍କୀ ବୈଦେଶ୍ବର ଟି -ବ୍ରିଜ ଉପରେ ପୋଲିସ ଟିମ୍ ପାଟ୍ରୋଲିଂ କରୁଥିଲେ। ସେତିକିବେଳେ ବୈଦେଶ୍ୱର ଥାନା ଅଧିକାରୀ ପ୍ରିୟଦର୍ଶନ ସେଠୀ ଘଟଣାସ୍ଥଳରେ ଉପସ୍ଥିତ ଥିଲେ। ଏହି ସମୟରେ ଜଣେ ଯୁବକ ସେହି ରାସ୍ତା ଦେଇ ବାଇକ୍ରେ ଯାଉଥିଲେ। ବୈଦେଶ୍ୱର ଥାନା ପୋଲିସ ଯୁବକଙ୍କୁ ଅଟକାଇଥିଲେ। ପରେ ଯୁବକ ଏବଂ ପୋଲିସ କର୍ମଚାରୀଙ୍କ ମଧ୍ୟରେ କୌଣସି କାରଣରୁ ବଚସା ହୋଇଥିଲା। ପୋଲିସ କର୍ମଚାରୀ ଯୁବକଙ୍କୁ ନିର୍ଧୂମ୍ ପିଟିଥିଲେ। ଏପରିକି ବୈଦେଶ୍ୱର ଥାନା ଅଧିକାରୀ ପ୍ରିୟଦର୍ଶନ ସେଠୀ ଯୁବକଙ୍କୁ ଟାଣି ଆଣି ଗୋଇଠା ମାରି ତଳେ ପକାଇ ଦେଇଥିଲେ। ପରେ ଯୁବକଙ୍କ ପିଠି ଉପରେ ଗୋଡ଼ ରଖି ପକେଟରୁ ବନ୍ଧୁକ କାଢ଼ି ଧମକ ଦେଇଥିଲେ। ସେହି ସମୟର ଫଟୋ ସୋସିଆଲ ମିଡିଆରେ ଭାଇରାଲ ହୋଇଥିଲା। ଫଟୋ ଭାଇରାଲ ପରେ ପୋଲିସ ପ୍ରଶାସନ ପକ୍ଷରୁ କାର୍ଯ୍ୟାନୁଷ୍ଠାନ ସ୍ବରୂପ ବୈଦେଶ୍ୱର ଥାନା ଅଧିକାରୀ ସେଠୀଙ୍କୁ ଏସ୍ପିଙ୍କ ଅଫିସକୁ ବଦଳି କରାଯାଇଛି। ପୋଲିସ ଅଧିକାରୀଙ୍କ ଦାଦାଗିରି ଘଟଣା ଏବେ ଚାରିଆଡ଼େ ଚର୍ଚ୍ଚା ହେଉଛି।
ବାଇକ ଚାଳକଙ୍କୁ ଉପରେ ଠିଆ ହେବା, ଆଉ ଜଣଙ୍କୁ ଆଣ୍ଠେଇବା ପାଇଁ ବଦଳି ଯୁବକଙ୍କୁ ଅଟକାଇ ନିର୍ଧୂମ ପିଟିଲେ। ପରେ ଗୋଇଠା ମାରି ରାସ୍ତାଉପରେ ପକାଇ ପିଠି ଉପରେ ଚପଲ ମାଡ଼ି ଚଢ଼ିଗଲେ। ପୋଲିସ ଗୋଡ଼ ଦେଇ ଚଢ଼ିବା ସମୟର ଫଟୋ ସୋସିଶାଲ ମିଡିଆରେ ଭାଇରାଲ ହେଉଛି। ଏପରି ଘଟଣା ଘଟିଛି କଟକ ଜିଲା ବାଙ୍କୀ ଅଞ୍ଚଳରେ।
